واكف بابك من الصبح لليل
ومن اجه اليل كلت يطلع
ما ظن موعدي وياه ينساه
وخايبه ضنوني يخليني ارجع
ثاري المحبه مو كوة صير
جوه البشر من كلبه تنبع
ودري لو صحت اطلعلي يفلان
علية ماترد حته لو تسمع
اطبعه وفي يوافي للدوم
ولي مو في عل غدر اطبع
اليحب صدك ميمل المحبوب
ولا من شوفته يقنع ويشبع
الحب يا حبيبي مو حجي السان
من نضرة وحدة بلكلب يطبع
لوتحبني صدك ماتنساني لحضات
وتخليني الك انذل واركع
ولو تحبني صدك الدنيا هاي
يصير كلبك اكبر منها واوسع
لا ماتحبني لا ماصدك بيك
شكد رائع بجمالك بلغدر اروع
ماريدك تعتذر منك بعد مليت
وبكل عذر منك بعد ما اقنع
اطلب الشفاعة من خالق الكون
بشر مثلك اني ولبشر ما يشفع
لامني احسن وتلعب بلحال
ولابشرف اشرف ولابنسب ارفع
لا عبالك بجمالك اني طماع
بل بلخلق اني اطمع
وهسة اعرفت ما عندك اخلاق
وشكد جنت احبك من كلبي اطلع ....بقلمي
رد مع اقتباس
