....
ياحبَيّب لو گلت باجر تشيل..
ماتصيرش بس نگول احنه ولو
چنت احشم كل عمامي عله الرحيل
ومايهمني الي اجو ولما اجو
وياحبَيّب لوگلت انه زَعلان
چا زعلت اعله الهوى لو زعلاك
وما يمر بريتي وهذا المچان
الي گبل مشتم هواي اشتم هواك
انته دره وشفتك بكتر الزمان
وكيفت من گلبي بكتاره زرعاك
الدنيا مدري شلون فرشتلي الشليل
وفرهديتك يوم عذالي التهو
وأنا چبت الغانمه وأنت الدليل
جورت وأهل الهوى ماحصلو
من زمان دياركم تشجي الظلام
وهالنثرنه عيونه عليهه نجوم
وأنته تدري اطباعنه اطباع الحمام
من يتيه يظل على دياره يحوم
وهلدوت بكتارنه نار الغرام
ومايطفيها وعلي ملك الغيوم
بس رضابك ياترف مثل الجحيل
وگلبي موگد ياحلو بي وَگدو
انه احبن بيك كل ماهوا جميل
وماعلي بالي الحچوا ولما حچوا
اي وحگك وأنته اغلى من اليمين
وأنه بس بغيرك من احلف جَذوب
انه وأنت وماتهمنه العالمين
الـ شرگت ولغربت بيها الدروب
وهسه عتني الشوگ يمك و الحنين
استاحشيتك من وصل وكت الغروب
كون يمك چا صحت عندك دخيل
دولبني ايام هجرانك شسو
وأنته تدري بمهجتك صاحب نزيل
خاف غيري بلنزل هسه ادعو
تميزت عن ربعي بيه الطيبات
وضلت دروب الرده لهل الرده
وليبات على الهظم خله يبات
الغيره مهره وماتظل محدده
دير دوك عنانها على النايبات
وگوه إسحگ عالخطر وأتعمده
هاي هيه ولو طحت بيها چِتيل
بمشتهاتي لراحتك اصبح لهو
گفه الميزان تنزل بالثجيل
وهيه دنيه وموشرط بيها العلو
ياشريچ العگل خلهم شيحَچون
وماعلينه بالعرف نفسه نشيط
ولو دروا والله كلهم ينتهون
وصاحو بغربانهم يازي القيط
وأنه ماريدك تسد عني الديون
ولا اريدك لوكرب موتي محيط
انه موتك ضايگة وچن سلسبيل
ومن منايا محبتك شارب حسو
وما اذل وداعتك وأصبح ذليل
من اشوفن بالنزل غيري ادعوا
عاد احشم كل عمامي عله الرحيل
ومايهمني الي اجو ولما اجوا
الشاعر صاحب الضويري
رد مع اقتباس
المشاركة الأصلية كتبت بواسطة أحمد العثمانيے
