جاتك جلطة ليه؟!... واقع مرير
القصة من الواقع المصري لكنه شبيه جدا بواقعنا
مواطن مربى خروف
صحى لقى الخروف ميت
أخذه ع الدكتور البيطرى عشان يعرف سبب الوفاه
إتفاجأ من الدكتور أن
الخروف مات بالجلطة.
بص المواطن للخروف ومسك قرونه وأخذ يكلمه بتعجب وحرقه واستغراب ويقوله ::
جاتك جلطه ليه؟
خريج معهد وبتسوق توك توك
خريج هندسه ومش ﻻقي شغل؟
خريج تجاره انجليزى وواقف فى سوق الخضار؟
خريج أداب وبتسوق تاكسى؟
خريج حقوق وبتشتغل سمسار؟
خريج زراعه وجالك تعيين فى الطرق والكبارى؟
جمعت كل اللى تملكه وأعطيته لإبنك يسافر أوروبا وغرق على شواطئ اليونان؟
مديون ومش عارف تسدد ديونك؟
بتستنى دورك فى التعيين بقالك 10 سنين؟
اشتغلت وجالك تعيين بعيد جدا عن بيتك واتغربت فى بلدك ؟
كان قدرك إن تشتغل مدرس ؟
مش قادر تشتري ملابس لأولادك؟
مش لاقى شقه؟
سنك كبر وعايز تتجوز ومش لاقى شغل ولا شقة تتجوز فيها؟
.
جاتك جلطه ليه؟
واخذ قرض ومتورط بالسداد ؟
جتلك فاتورة كهرباء وما قدرتش تسدد ففصلوا عنك الكهرباء؟
حاسس انك غريب ببلدك؟
الدنيا ملخبطه حوليك ومخك بطل يجمع من كثر القوانين الجائرة؟
رفع اﻻسعار مش عاجبك ؟
شاعر انه في ثروات وبلدك فيها خير كتيييير ومش مستفيد منها ؟
جاتك جلطه ليه؟
.
من النواب وﻻ الحكومه وﻻ اﻻعلام الفاسد ؟
ع المعاش ومعاشك مش مكفي اجار بيتك؟
جالك فشل كلوى من المياه الملوثه ورحت تغسل قالولك ما فيش مكان إنتظر إما حد
جاتك جلطه ليه؟
الدولار هتك عرض الجنيه بتاعكم؟
نفسك فى السمك والكيلو وصل 50 جنيه؟
روحت تشترى لحمه لقيت الكيلو ب120 جنيه؟
جيت تشترى أرز ولقيت الكيلو ب 7 جنيه؟
روحت تجيب التموين وقالولك ما فيش إلا جبنه دومتى؟
مش عارف تشترى كيلو فاكهة لاولادك؟
.
جاتك جلطه ليه؟
جاتك فاتورة غاز ب150 جنيه؟
جاتك فاتورة مياه ب100 جنيه؟
جاتك فاتورة الكهرباء ب 190 جنيه ؟
نفسك فى التين والمانجو ومش قادر تشتريه؟
المشمش نزل السوق وخلص وانت ما سمعتش عنه؟
.
جاتك جلطه ليه؟
قرايبك معكننه عليك؟
اقرب الناس ليك باعوك ؟
جاتك جلطه ليه؟
إحنا أهه عايز تقولى إنك بتحس عننا؟
روح الله يسامحك
رد مع اقتباس
