يوجعني العراق ابصفحة البصره!!-الشاعر حسين الساعدي
يوجعني العراق ابصفحة البصره
ذوله اهل النفط والعيشت الكشره!
اشكد صفكينه ابطيحت الهدام
غمينه الاجونه وزادت الحسره
ماهمهم عراق ودمعة الايتام
ماطول ابامان المنطقه الخضره!
ازغرهم افلوسه اتعدت المليار!
بالخارج تفيده ابساعة الطفره!
باجر والمحاكم تجمع الاشرار
يندلها الشعب ماضيع الحفره!
باعونه شلع وانعرفت الاسعار!
يااا دم الجنوبي الرخصوا سعره!
جرح اسبايكر ينزف باهل ذيقار
وتميزت دجله ابمايها الحمره!
محميه الحكومه وبرلمان العار
وابن الملحه راح ايطشر ابعمره!
يا اهل الجنوب القدموا شبان
لعيون العراق ابساعة العسره
ياحشد و سرايا محزمين احزام
واحدهم امام ابعازة الحضره!
واحدهم يشور يصطر الغدار
يابخت الجبير وتكتل السطره!
ردوها الاراضي ابموصل وانبار
من ايد الدواعش جروا الحره!
مامون العراق ابحشد ال البيت
ومنذوره الارواح الفاطمه الزهره
منذوره الارواح الفاطمه الزهره!
حسين الساعدي
رد مع اقتباس
المشاركة الأصلية كتبت بواسطة •○●بیلسآنے●○•
