شعر لشهداء العراق
ميلو بينه
يلي شلتو النعش بالله ميلو بينه .
ميلو بينه نودّع أهلنه
وعادة اليرحل أيودّع أهله أبدموعه .
ومن صورهم يمله عينه
ميلو بينه الشوگـ هزنه
الحضن أمنه ذيچ ألحبيبه ألحنينه
ميلو بينه العند أمنه وبس نودّعها أبچينه
ميلو بينه وشدعواكم ولو نظرة . ولو لمسة .. أنحّني بيها چفوف أيدينه
وأنــــْتـــــُواهبْ أخاف زعلانه علينه
ميلو بينه وعالمكان ألبي ربينه
ألبيت أهلنه نودّع أيامه وسنينه
ميلو بينه الحي حبيبتنه الحزينه
بلچي بوسه زغيرة منها . بلچي لو شفناها مرّة أرواحنه ترجع علينه
ميلو بينه وعلى مدينتنا هناك عدنه عتاب يمه
هناك يا يمه ارتمينه
هناك زلهه ألما حمانه وخان بينه
هناك صار فراگـ يمه
هناك ضيعنه خوينه
وين وشو ما بين علينه ؟
وين وشو ما مر علينه ؟
مودّع ودرب السلامة . وبس أخاف الذيب يوگع. بيد شاة يظل رهينه
ميلو بينه وخاف يخلص هالنهار . وهاذي آخر ليلة هينه
ولولا بيها أنوب ليلة . ما حچينه وما بچينه
وما ندهناكم يولّـــّو ميلو بينه
ميلو بينه وعالجسر وگفونه لحظه
چنه هين صغار نلعب . عالجرف يحظـــنــّـه طينه
ميلو بينه وفرونه المدينة . وعالمنازل دار دار . وگولو لتراب العراق أيون علينه
وأحچو قصتنه لولدكم وأحچو حظكم . وگولو للأجيال ما خنه وفينه وفينه وفينه وفينه
رد مع اقتباس