هنا

[Laraa]

مرحبا ..
من زمان شايفة هالموضوع بس احس نفسي ممستعدة احچي ع اهلي .. اليوم شريط حياتي كُلة مر گدام عيني ... اليوم قررت احچي ..


اهلي چانو قاسين جداً بتربيتنا من واحنا صغار خلو بينا فاصل .. اغلب مشاكلي ما اروح بيها الـ امي اروح الاختي هي امي الصغيرة ..
اول موقف صار وياي بعدني عن امي .. چنا مثل كُل الاطفال نلعب بالشارع و يا اطفال المنطقة .. و واحد غلط ع امي .. مثل كُل طفل اتغاض من احد يحجي ع امي .. گمت و رديتله الغلط .. مچنت اعرف معنى الغلط بس چانت يعني كلمة متصح نگولها .. من رجعت دا احچيلها و امي بسطتني ..
احسهم انانيين بتربيتنا .. يريدونا نوصل الـ اعلى المكانات حتى يرفعون روسهم بينا ..

مع كُل هذا يبقون اهلي و الهم فضل چبير علية .. اتأذى اذا احد منهم صارله شي ..


شُكراً لهذهِ الفسحة

لاننا لانعطي للانسان قيمة فإن الاغلب سيمر من هنا ويقرأ تعليقكِ وينتقدكِ
عزيزتي سارة ان الكثير من الابناء رغم انكساراتهم الداخلية بسبب الاهل لكنهم مجبرين على الوقوف صامدين
لان المجتمع يريد منهم هذا والنتيجة ستكون وبشكل لا ارادي الوقوع بنفس اخطاء الاباء وهكذا يتم توارث السلبيات والتعايش معها
في احدى المرات نشرت موضوعاً على احدى المجموعات في الفيسبوك كتبت " افتراضياً ان قلت لكم انني اكره ابي فهل انا مذنبة "
لو تعلمين سيل الشتائم التي حصدتها منهم علماً ان المجموعة بحسب عنوانها ومنشورها المثبت توحي انها مجموعة ثقافية
كثير من الابناء قد يكرهون اباءهم بشكل حقيقي لكن لا احد يسأل عن السبب بل الجميع يشترك بالشتيمة

اتمنى لكِ السعادة

[Laraa]

اهلا لارا
تحية لك على مواضيعك العميقة.. حاسة نفسي على أثير الهضاب مع صحفيين يختارون مواضيعهم بالاستشارة مع مختصين في علم التربية و الاجتماع

اريد ان اكتب.. وجدته حقا عليا بما اني قرأت بوح البعض هنا.. حيث كانت الفتيات أكثر جرأة من الأولاد في ذلك باستثناء الأستاذ ثامر..

لارا اريد ان اكتب كما قلت لكن تراودني فكرة انك سوف تحذفين الموضوع كما سابقه ههههه

شكراً ليديا لاطراءكِ
اتمنى ان تكتبي , رغم اننا نتشارك في بعض العادات كعرب لكن لابد من وجود اختلافات في المجتمعات
يسرني ان اتعرف ولو بشكلٍ بسيط عن الحياة الاسرية في مجتمعكم , لكن لا استطيع ان اعطي وعداً بعدم حذفي للموضوع

تحية و

[ادم موسئ]

في طفولتي ظننت ان امي ملاك طاهر وان ما تفعله هو العدل والصواب وتقيس الامور بشكل منطقي ولكن وانا بهذا العمر ادركت ان امي تظلم وتفرق بين الاخوة .......

[عضوية57049]

أغلب سلبياتنا و عيوبنا يكون اصلها الطفولة ، حتى حسناتنا
الطفولة تأثر بشكل مباشر على تكوين شخصياتنا و تبقى تأثر و مو شي جديد هذا
لذا اي شي سلبي نشوفه عند احد بسهولة نكدر نتوقع اصوله مشاكل بالطفولة ( او هيج مقتنعة اني )
و الي بشكل بديهي ح يكون سببها الأولي الأبوين

[تـمــيــڒ]

موضوع بمعنى الموضوع
انا بحاجة لموضوع لي وحدي ربما يكفي او لا في هذا الشأن
ابواي في نظري كائنات سلبية..امي بنسبة98وابي ربما94او90%
لاتكلم بصدق كما افعل ولايهمني من سيرى من اقاربي من سينتقد ووو..
استخدم العامي افضل اتوقعها اقرب وتنقل لكم مشاعري بدون حواجز وتكلف

امي
كل ماتعلمته من الحياة هو شغل البيت والانتقاد والتخوف واكثر شي من "الفشل والعيب"
تفكيرها مقزز مقرف جدا جدا مع انها معلمة
بحيث ماعدها ثقة ماتصدقني تتعمد تحرجني دائما تنتقص مني امام الاخريان
تقارني بالبقية,انسانه ضعيفة جدا ماتقاوم المشاكل سلبية لابد الحدود تفكيرها محدود غير منطقية متتناقش ابد متتفاهم,تحليلها واستنتاجاتها للامورابد مويم الموضوع وتروح ركض للاشياء السلبية يعني بمجرد غياب احد بدت تلطم وتبجي مات مات!
ساعة الغضب تكون وحش تنهل عليه بالجارح والمؤذي سوا كلام او فعل بس الاكثر كلام اول موقف صار وياي لمن كنت صغيرة بعمر5سنوات تقريبا..كان اول خطا اعمله بحياتي ربما طفلة كالاخرين هي اكتشفت الي سويته كانت هي وابوي موجودين واكفين كدامي سوا اتذكر يمكن كسرت مزهرية مادري شنو بالضبط بس هو يعنيلها هواية فهي بدون تفكير راسا حجت هالجملة..اني اكرهج اصلا اني ماردتج تجين للدنيا هيجي تحملت تعبج بس ماكدرت ارفض لان ابوج طلب هالشي..وقتها ابوي حاول يسكتها وينسيني هالشي​(رغم انها موشابه او طائشة لتعمل هالتصرف) اني ماكلت شي اوفعلت اصلا ماتذكر شنو الصار بعدها بذاك الوقت كل الي بقا ببالي والي اتذكره اول شي من ياذوني هالجملة حسيتها صادقة بمقولتها ومن كل كلبها حجتها حسيتها منتظرتني اعمل زلة وتحجي هالكلام الي بقى بكلبها ومكدرت تطلعه سابقا..بسبب حبها للوالد وطلبه منها.. بسبب الحرام وكذا والا الوالد اكيد مامتحملني فوك4 اولاد قبلي(صدقي وانا اكتب امسح بدموعي باستمرار)

كل المرات بعد مياذوني ابقى ابجي وهالتفكير ببالي اتذكر كل تصرفاتهم ويايه افكر واوعد نفسي اني مستحيل اعمل هالشي ويا اولادي, مستحيل اعمل... وابقى اعدد بالي يسوونه وياي وبالاخير اتفق اني مانجب اطفال حتى اظلمهم واجرحهم اصلا ماتزوج هالموقف ترك شي جبير جبيييييير بنفسي
ومازالت الوالدة للان تجمع كل الاشياء بخصوص تعبها وشغلها بالبيت ومرضها عدم اهتمامها بنفسها مشكلات الزواج واوضاع المعيشة او اي شي يخص البيت واخواني وتبدي تطلعهم وتجمع كلهم علي وتطلعني اني السبب حتى لو كنت سألتها وين هالشي اواي شي بسيط واكثر من مرة( اكثر صفة سلبيه بيها وممكن يمتلكها اي شخص بالعالم)
امي تساند الوالد.. دائما تستفزني ميعجبها الي اعمله لو شيصير متحب الانفتاح متحب انو البنت تتجمل متحبني اتكلم وي ولد اقاربنه
(سبب هالشي مشاكل اخواتي قبل وخصوصا اختي والكانت يثقون بيها ثقة عميااااء وسوت مشاكل رغم انها كانت قصة حب عادية كلش..خلتهم ميثقون باحد ببساطة كنت اني الضحية بس)
..تخاف حتى من الفرح لان مؤمنة بانه نهايته تكون بجي
ماعدها اسلوب بالحوار او اسلوب اقناع او اسلوب توصل بيه الشيء المولم والحزين وتخليك تتقبله..تغار كلش متحب الخير للاخرين تاخذ غيبة ,شويا..تردد كلشي يكوله الوالد بدون تفكير(هالشي يزعجني كلش اكره الي يكونون نسخ من الاخرين)حتى الكلمات البسيطة..بعض ردوده
مؤمنة وتعتقد وتعمل على اساس هالشي انو الرجال افضل من المرا واله الحق اكثر هالشي ظاهر من طريقة معاملتها لاخواني الولد والتفريق
تنطي وارد عملها للوالد ولامفكرة تطالبه بشي او حتفكر..دائما تكون سبب مشاكلي ولمن يتدخل الوالد ترجع تهدأ بيه
تفتقر لهواية اشياء بس مالومها انو تكون هالشكل السبب ظروف نشاتها وتربيتها امه فارقته وعمرها12س وابوها عمرها16 الي تكفل تربيتها اخواتها معدها اخ والي جانن م دارسات م مطلعات وبذاك الزمن..اعتبرها مكافحة كدرت تكمل دراسة وحتى لو بتفكيرها الـ..
اما الوالد
يشبهني مثقف ومتعلم منفتح شوي
من سلبياته انه ملتزم بالدين ويريدنا نسير ع هالنهج يعني جدا جدا موشون ماجان مرة جربت افتح مكتبته الالكترونية شفتها مقرفه جدا مبيها غير الدين وكتب هذا ماقاله وهذا ماقاله.._*
عنيد لابعد الحدود وعصبي شوي ميحب انه احد يمشي كلمه.. عنده عقدة انا الكل بالكل وكلمتي ماشيه
ينشاف حباب وطيوب ومتدين يمشي بالعدل والحق
بينما هو لا هالشي ظهر بس ويايه..مرتين ماعرف 3 صارت مشكلة وكنت اني السبب بعدها صار حتى بدون ميعرف منو البادي يكوم يعاقبني..مو بس كلام وضرب حتى واليدقني بدون تفكير يعني والله والله حتى ميكلف نفسه يعرف السبب هالشي خلا اخواني يتجرأون عليه ويكثرون مشاكل ويايه وليش حتى يضيعون فرصه ذهبيه مثل هذي..هم اليعيلون واكو من يجي وراهم يدافع ويطلعهم اصحاب الحق..هالشي خلاهم ممثلين بارعين كدام البابا ملائكة وراه شياطين

يضرب مثل الوحش اخر ماتوصلوا له(اقصد البابا لان امي مجرد صدى صوته_-)اني مجنونة..!هالشي ممعترفه بي ابد محد يعرف بيه غير عائلتي وبسس
اي مجنونة لاني دائما اعارضهم احاول ابين الحق لاني اول اولادهم صرت ضدهم كلتلهم يابه ترى انتم خطأ عدلوا هالشي..وكالمعتاد ميخلوني اكمل ويظل يضرب حتى ينهي الشي الي ميعجبة وهالكلام..بابا طاغية مصغر بابا هتلر او صغيرون
اكثر من مرة حاولوا يدزوني لمستشففى المجانين ع اقل تقدير3مرات
كلتلهم خلوني اروح لمستشفى المجانين ع الاقل اتخلص منكم احمي نفسي من هالوحشية طيب مو انت تكول انتي مرض بالبيت اتخلص مني
ميقبل يكلي نروح لطبيب نفساني وهو يقرر..اكيد ارفض متاكدة انو الطبيب ميدزني للمستشفى ينطيني مهدئات وهالكلام وارجع للبيت وياهم وي تفكيرهم سبب بؤسي الدائم
ماعرف هو مثقف والا هو همجي
يضرب ويقسي ويرجع يعاقب عقاب الناس المتطورة ومتثقفه مثلا..يحرمني من النت (يعرف انو هالشي الوحيدالي ماكدر استغني عنه بابي السحري اليخلصني م نالواقع)
سبب سلبياتهم كلهاا..اخواني اخواني (كل السلبيات اكدر اتلافاها واتغاضا عنها بس هم لا)
من الاخر يعملون بكيفهم يضربون ياذون يجرحون مشاعر..ودليلهم وذريعتهم قوله تعالى ولاتقل لهما اف ولاتنهرهما...


مع ذلك ماكدر..ابقى مزعلتهم هواية خصوصا ماما اراضيها وتعودت دائما اطلع نفسي ع خطا وتعودت الاعتذار مع كل البشر
وكلي امل ان شاء الله بعد ان اتخلص من اخواني حاكون اني معيلتهم وارعاهم بكبرهم

مساحة جعلتني اعري بؤسي بدون اي تفكير اوتكلف فقط قلت ماكنت اشعر به ..حديث مليء بالدموع رغم اني كنت سعيدة جدا قبل قليل

شكرا

[SSJa'afari]

ماخطته يدك قد ألمني واحزنني فعلا لست اقول سوى الله يصبرك ويعينك مالعمل يبقون ابائنا وطاعتهم فرض وواجب ولك يكون اجرا وثواب لصبرك ولابد ان تتغير الأمور في كثير مثل حالاتكِ لكن عسى ان يتخذ الابناء مايرونه من الاباء مِرآة تعكس ذلك مستقبلا مع اولادهم بشكل ايجابي رغم بقاء الالم داخل الابناء .احببت مواساتكِ ولو بشئ قليل لاني لست فنانه بارعه بالكلام والتعبير .تحياتي

[أزونھ]

تحياتي

[Laraa]

في طفولتي ظننت ان امي ملاك طاهر وان ما تفعله هو العدل والصواب وتقيس الامور بشكل منطقي ولكن وانا بهذا العمر ادركت ان امي تظلم وتفرق بين الاخوة .......

بالامس كتبت تغريدة في تويتر ذكرتني بردكَ الان

[Laraa]

أغلب سلبياتنا و عيوبنا يكون اصلها الطفولة ، حتى حسناتنا
الطفولة تأثر بشكل مباشر على تكوين شخصياتنا و تبقى تأثر و مو شي جديد هذا
لذا اي شي سلبي نشوفه عند احد بسهولة نكدر نتوقع اصوله مشاكل بالطفولة ( او هيج مقتنعة اني )
و الي بشكل بديهي ح يكون سببها الأولي الأبوين

نعم اية للطفولة اثر كبير في تكوين شخصية الانسان وكذلك البيئة التي عاش فيها
والتي تربى فيها او اكتسب منها بعض صفاته
وفي هذه الحالة لا يمكن تطبيق مقولة " لاتؤدبوا اولادكم بأخلاقكم لانهم خلقوا لزمانٍ غير زمانكم "
ربما علينا ان نخاف من انفسنا ايضاً ، هل سنورث عقدنا النفسية لأبناءنا بحجة الطفولة وتأثيرها !!

[Laraa]

موضوع بمعنى الموضوع
انا بحاجة لموضوع لي وحدي ربما يكفي او لا في هذا الشأن
ابواي في نظري كائنات سلبية..امي بنسبة98وابي ربما94او90%
لاتكلم بصدق كما افعل ولايهمني من سيرى من اقاربي من سينتقد ووو..
استخدم العامي افضل اتوقعها اقرب وتنقل لكم مشاعري بدون حواجز وتكلف

امي
كل ماتعلمته من الحياة هو شغل البيت والانتقاد والتخوف واكثر شي من "الفشل والعيب"
تفكيرها مقزز مقرف جدا جدا مع انها معلمة
بحيث ماعدها ثقة ماتصدقني تتعمد تحرجني دائما تنتقص مني امام الاخريان
تقارني بالبقية,انسانه ضعيفة جدا ماتقاوم المشاكل سلبية لابد الحدود تفكيرها محدود غير منطقية متتناقش ابد متتفاهم,تحليلها واستنتاجاتها للامورابد مويم الموضوع وتروح ركض للاشياء السلبية يعني بمجرد غياب احد بدت تلطم وتبجي مات مات!
ساعة الغضب تكون وحش تنهل عليه بالجارح والمؤذي سوا كلام او فعل بس الاكثر كلام اول موقف صار وياي لمن كنت صغيرة بعمر5سنوات تقريبا..كان اول خطا اعمله بحياتي ربما طفلة كالاخرين هي اكتشفت الي سويته كانت هي وابوي موجودين واكفين كدامي سوا اتذكر يمكن كسرت مزهرية مادري شنو بالضبط بس هو يعنيلها هواية فهي بدون تفكير راسا حجت هالجملة..اني اكرهج اصلا اني ماردتج تجين للدنيا هيجي تحملت تعبج بس ماكدرت ارفض لان ابوج طلب هالشي..وقتها ابوي حاول يسكتها وينسيني هالشي​(رغم انها موشابه او طائشة لتعمل هالتصرف) اني ماكلت شي اوفعلت اصلا ماتذكر شنو الصار بعدها بذاك الوقت كل الي بقا ببالي والي اتذكره اول شي من ياذوني هالجملة حسيتها صادقة بمقولتها ومن كل كلبها حجتها حسيتها منتظرتني اعمل زلة وتحجي هالكلام الي بقى بكلبها ومكدرت تطلعه سابقا..بسبب حبها للوالد وطلبه منها.. بسبب الحرام وكذا والا الوالد اكيد مامتحملني فوك4 اولاد قبلي(صدقي وانا اكتب امسح بدموعي باستمرار)

كل المرات بعد مياذوني ابقى ابجي وهالتفكير ببالي اتذكر كل تصرفاتهم ويايه افكر واوعد نفسي اني مستحيل اعمل هالشي ويا اولادي, مستحيل اعمل... وابقى اعدد بالي يسوونه وياي وبالاخير اتفق اني مانجب اطفال حتى اظلمهم واجرحهم اصلا ماتزوج هالموقف ترك شي جبير جبيييييير بنفسي
ومازالت الوالدة للان تجمع كل الاشياء بخصوص تعبها وشغلها بالبيت ومرضها عدم اهتمامها بنفسها مشكلات الزواج واوضاع المعيشة او اي شي يخص البيت واخواني وتبدي تطلعهم وتجمع كلهم علي وتطلعني اني السبب حتى لو كنت سألتها وين هالشي اواي شي بسيط واكثر من مرة( اكثر صفة سلبيه بيها وممكن يمتلكها اي شخص بالعالم)
امي تساند الوالد.. دائما تستفزني ميعجبها الي اعمله لو شيصير متحب الانفتاح متحب انو البنت تتجمل متحبني اتكلم وي ولد اقاربنه
(سبب هالشي مشاكل اخواتي قبل وخصوصا اختي والكانت يثقون بيها ثقة عميااااء وسوت مشاكل رغم انها كانت قصة حب عادية كلش..خلتهم ميثقون باحد ببساطة كنت اني الضحية بس)
..تخاف حتى من الفرح لان مؤمنة بانه نهايته تكون بجي
ماعدها اسلوب بالحوار او اسلوب اقناع او اسلوب توصل بيه الشيء المولم والحزين وتخليك تتقبله..تغار كلش متحب الخير للاخرين تاخذ غيبة ,شويا..تردد كلشي يكوله الوالد بدون تفكير(هالشي يزعجني كلش اكره الي يكونون نسخ من الاخرين)حتى الكلمات البسيطة..بعض ردوده
مؤمنة وتعتقد وتعمل على اساس هالشي انو الرجال افضل من المرا واله الحق اكثر هالشي ظاهر من طريقة معاملتها لاخواني الولد والتفريق
تنطي وارد عملها للوالد ولامفكرة تطالبه بشي او حتفكر..دائما تكون سبب مشاكلي ولمن يتدخل الوالد ترجع تهدأ بيه
تفتقر لهواية اشياء بس مالومها انو تكون هالشكل السبب ظروف نشاتها وتربيتها امه فارقته وعمرها12س وابوها عمرها16 الي تكفل تربيتها اخواتها معدها اخ والي جانن م دارسات م مطلعات وبذاك الزمن..اعتبرها مكافحة كدرت تكمل دراسة وحتى لو بتفكيرها الـ..
اما الوالد
يشبهني مثقف ومتعلم منفتح شوي
من سلبياته انه ملتزم بالدين ويريدنا نسير ع هالنهج يعني جدا جدا موشون ماجان مرة جربت افتح مكتبته الالكترونية شفتها مقرفه جدا مبيها غير الدين وكتب هذا ماقاله وهذا ماقاله.._*
عنيد لابعد الحدود وعصبي شوي ميحب انه احد يمشي كلمه.. عنده عقدة انا الكل بالكل وكلمتي ماشيه
ينشاف حباب وطيوب ومتدين يمشي بالعدل والحق
بينما هو لا هالشي ظهر بس ويايه..مرتين ماعرف 3 صارت مشكلة وكنت اني السبب بعدها صار حتى بدون ميعرف منو البادي يكوم يعاقبني..مو بس كلام وضرب حتى واليدقني بدون تفكير يعني والله والله حتى ميكلف نفسه يعرف السبب هالشي خلا اخواني يتجرأون عليه ويكثرون مشاكل ويايه وليش حتى يضيعون فرصه ذهبيه مثل هذي..هم اليعيلون واكو من يجي وراهم يدافع ويطلعهم اصحاب الحق..هالشي خلاهم ممثلين بارعين كدام البابا ملائكة وراه شياطين

يضرب مثل الوحش اخر ماتوصلوا له(اقصد البابا لان امي مجرد صدى صوته_-)اني مجنونة..!هالشي ممعترفه بي ابد محد يعرف بيه غير عائلتي وبسس
اي مجنونة لاني دائما اعارضهم احاول ابين الحق لاني اول اولادهم صرت ضدهم كلتلهم يابه ترى انتم خطأ عدلوا هالشي..وكالمعتاد ميخلوني اكمل ويظل يضرب حتى ينهي الشي الي ميعجبة وهالكلام..بابا طاغية مصغر بابا هتلر او صغيرون
اكثر من مرة حاولوا يدزوني لمستشففى المجانين ع اقل تقدير3مرات
كلتلهم خلوني اروح لمستشفى المجانين ع الاقل اتخلص منكم احمي نفسي من هالوحشية طيب مو انت تكول انتي مرض بالبيت اتخلص مني
ميقبل يكلي نروح لطبيب نفساني وهو يقرر..اكيد ارفض متاكدة انو الطبيب ميدزني للمستشفى ينطيني مهدئات وهالكلام وارجع للبيت وياهم وي تفكيرهم سبب بؤسي الدائم
ماعرف هو مثقف والا هو همجي
يضرب ويقسي ويرجع يعاقب عقاب الناس المتطورة ومتثقفه مثلا..يحرمني من النت (يعرف انو هالشي الوحيدالي ماكدر استغني عنه بابي السحري اليخلصني م نالواقع)
سبب سلبياتهم كلهاا..اخواني اخواني (كل السلبيات اكدر اتلافاها واتغاضا عنها بس هم لا)
من الاخر يعملون بكيفهم يضربون ياذون يجرحون مشاعر..ودليلهم وذريعتهم قوله تعالى ولاتقل لهما اف ولاتنهرهما...


مع ذلك ماكدر..ابقى مزعلتهم هواية خصوصا ماما اراضيها وتعودت دائما اطلع نفسي ع خطا وتعودت الاعتذار مع كل البشر
وكلي امل ان شاء الله بعد ان اتخلص من اخواني حاكون اني معيلتهم وارعاهم بكبرهم

مساحة جعلتني اعري بؤسي بدون اي تفكير اوتكلف فقط قلت ماكنت اشعر به ..حديث مليء بالدموع رغم اني كنت سعيدة جدا قبل قليل

شكرا

اشعر بذنبٍ كبير جداً
سرقت سعادتكِ ، ربما كنتِ تتمنيها في ظل ظروف العائلة القاسية ، اعتذر جداً
شعرت وانتِ تكتبين ان فيكِ شيء من العصبية وكأنكِ تنتقمين بإعترافكِ (لذنوب ) ان صح التعبير والديكِ
حقيقة يُثير دهشتي ان اسمع ام تتصرف بهذه الطريقة
احياناً ضعف شخصية الاب (مع الزوجة ) تجعل الامهات هكذا
لكن ان يكون كل من الام والاب قساة فهذهِ مأساة حقيقة ( بعيداً عن تدخل الاخوة فهذا موضوع منفصل بحد ذاته )
مهما كان تفكير الابن اعتقد يجدر بالاهل احتواءهُ لكن يبقى تعامل الاهل مبني على ثقافتهم ، لازلتِ صغيرة ومن سوء حظكِ
ان اهلكِ ليسوا من الاناس الذين يحتوّا تفكير ابناءهم
الاندفاع والاختلاف ليسا هما الطريق الصح دوماً بل ربما لازال مبكراً جداً ان نقرر ماذا نريد
ستكبرين يا زينب وستتغير نظرتكِ لن اقول معنى ذلك ستسامحين ابويكِ لكن ستعرفين ماذا تريدين في الوقت المناسب دون ان يضطر والدكِ لقول ان ابنتي تحتاج طبيب نفسي

من قلبي اتمنى لكِ الراحة والسعادة واعتذر جداً ان جعلتكِ تحزنين ولو لدقائق