[ كَمالَكم لَكم كَما لِي كَمالي ]
لا تِصدِّك باليكلك يا هَواي
ال مِن تغيب
اتوسَّل الله وبالكلام يِخجِّلك
غيب رمشة عين وردله وشوف ريته توشِّلك ؟
وشحلاته الكمر لكن
ماكو بي اي جاذبية يرجعك كلما رحت
عيش كاع
تظل كريم شما عشت
الكاع تسحكها وتحظنك لو متت
كسر عيش بخاطر المنهم فتت
طر ندمهم
خل يحسبونك وكت
صير * ممنوع * وحرام * وغير جائز
وانتبه لعيون ناسك وي هلك
كلها غضَّت بصر عنك بس ليحبك حَلَّلك
لطاير وكلالك اصعد كله عفوا
طيحلي انت
جاذبيتي تنزلك
فجر صير ولا تبين الا لليسهر الك
وعيش جوه
النبي كضه العمر جوه وجان يِنْزله المَلَك
عيش لو سكتة بمزاجك
لا تمر صوت وحلكهم عالمزاج يفصلك
ساعة الفرحه لسنهم كلها تبقى تهلهلك
وساعه ينعوك بعزاهم
كلشي ترهم يارخيص شمسهلك
[ ابقى وحدك كلشي يبقى لوحده ينعز ]
للشاعر حسين علي المطوري
رد مع اقتباس
