يانجمة صباحي البيهه اصد العين ..
وعين اهل العشگ ماترحم اتحسدك ..
اخاف اعليك لوچلچل ضلام الليـل ..
من نار الغرام ابعين أل اتصدك ..
اغار أعليك حته أمن الهوى يهواي ..
واغار أعليك من روحي اذا اتفگـــدك ..
احسن بيك تنبض بالگلب وتسيل ..
تجري بدمي والشريــــان ميهــدك ..
تِعَيدْ الناس ادري من يمرهه العيد ..
وانته العيد كله بروحه شـــو عندك ..
مالومه ابد لا واللــــه حكَة ايصير ..
كلمن ذاب لو مر بي عطر خــــــدك ..
الك عنوان مخطوط بگلب ولهــــان ..
لاتبعد علي لا تســـــأل اشعنــــدك ..
خليني بهواك اتنفس ابملگــــــاك ..
خليني اعله حبك وانته الـــك دردك ..
اعيش وي الحلم خليني اترجــــاك ..
لتفزز حلم ميعيش مـــــن بعــــدك ..
رد مع اقتباس
المشاركة الأصلية كتبت بواسطة Jabouri pjj
