هنا

[Hani Yaqoub]

انا والشيخ

- شيخنا اذا واحد بالصحراء والله يحقق اله أمنيه وحده لو ماي لو اكل شيطلب
- ابني يخابر عل الدلفري ويحمد الله بعده ولا ينسى يبسمل
- شيخنا مِو هو ضايع وتلفون مابي تغطيه
- ابني يطلب موطه ام الكبوس بطعم الكاكو و بطعم المشمش والبطيخ هم تشبع وتبرد القلب ومثل ما يقول ابو الأمثال هاي الموطه للحلوين برد برد
- شيخنا هاي خوش حيله شرعيه
- ابني ماكو شي اسمه حيله شرعيه اما حيله وهي حرام او امر شرعي بس لان انت ما فاهم الدين تصوره حيله
- بس شيخنا ليش ما طلبت نوعيه وحده فقط
- ابني بني اسرائيل الله دزلهم عسل وملو منه وطلبو بطاقة الكميه
- شيخنا تقصد بقوليات
- اي ابني ليش شينطون بالكميه غيرهن
- هسه فهمت شيخنا ليش الله حلل اربعه لان الرجال يمل ولازم يغير
- ابني الاحسن الزهد بالدنيا وگول لمرتي هل تشوف اله غير درب
#766

[Hani Yaqoub]

انا والشيخ
- شيخنا شنو الطول المثالي للبنت
- ابني احنا بزمن النسبيه كل شيء نسبي
- شيخنا يعني شنو
- ابني هاي نظريه اكتشفه انشتاين تحجي عن
- شيخنا اقصد عل الطول يا نظريه
- ها يعني اذا انت طويل راح تشوف الطول المناسب هو الطويله والعكس بالعكس والبادي اظلم
- شيخنه شنو تقصد بالبادي اظلم
- او هاي شجاي احجي هاي سالفه ثانيه واحد تزوج على مرته وقالت اله البادي اظلم
- اي وشسوت
- راحت تدعي الكاظم عليه
- شيخنا بس الكاظم متزوج اربعه شتدعي بله يمه
- هم صدك ابني لو داعيه تكون زوجته بالجنه افضل
#758

[Hani Yaqoub]

انا والشيخ
- شيخنه هي صلاة الليل مِو تنور الوجه
- اي ابني
- جا شيخنه شو ما صرت حلو
- ابني هي مِو فلتر مال سناب جات وتضيفلك ورود فوق راسك
- جاي شني شيخنه
- تخليك تصير محبوب يعني يرتاحولك
- شيخنه من هاي يكولن الي خيو بعد ما اصليه
- ابني تصلي و ما تصلي محد تكلك اكثر من هيجَ انت شايف وجهك مِو زين من يكولولك منور بالفيس


#730

[Hani Yaqoub]

انا والشيخ

- ابني هاي ليش تغش مو حرام
- شيخنا جا الرسول مو يكول اطلب العلم لو كان بالصين وماتريدني اطلب العلم من صديقي بصفي
- ابني بس من غشنا فليس منا
- شيخنا هاي الرسول قاله بالسوك مو عل الدراسه والله يكول اسعى عبدي وانا اعينك هاي جاي اسعى
- اي بس الغش حرام لا يجوز
- شيخنا مو الملائكه ما تسجل الذنب مدة 7 ساعات واذا استغفر الانسان ما يسجلونه عود استغفر بعد الامتحان
- لك ابني شجاي تمسلت انت هذا ما يعني تروح ترتكب ذنب
- شيخنا الله مو يحب استغفار المذنبين جا اذا ما اذنب شلون استغفر قابل استغفر جذب حتى حرام
- ابني انت لو تشتغل شيطان احسنلك

#1050

[Hani Yaqoub]

انا والشيخ

الدنيا مثل الحذاء
- شيخنا ليش لازم نصبر ونتحمل اذيه بهل الدنيا
- ابني الصبر بالدنيا مثل الي يشتري حذاء ضيق ويتحمل اذيته لان يعرف راح يتوسع تالي ويرتاح
- شيخنا واذا ما توسع
- ابني هذا عاقبته سيئه
- شيخنا والي ما يلبس حذاء بس شحاطه
- هذا علماني منحرف عن الطريق المستقيم
- شيخنا والي رجليه مكصوصه ومايكدر يلبس حذاء
- هذا ما عنده عقل ما عليه اي ذنب
- شيخنا والبنت الي تلبس حذاء رياضي ولادي
- ابني هاي مثل الي نهاية عمره يتوب ويدخل للجنه ارتاح هنا وهناك
- والي تلبس كعب عالي دوم
- هاي مثل الي ما ارضي الله عليه لا دنيا ولا اخره

#1281

[Hani Yaqoub]

انا والشيخ
- شيخنا نفسيتي تعبانه ومالي خلك يمكن عين أو سحر
- ابني أنت لازم تشكي همك لالله وكل هم ينزل
- شيخنا جا الله مو يدري بكلشي شكو اشكي
- ابني حتى لو يدري انت لازم تشتكي اله
- شيخنا اذا شخص دكتور وتجي تعلمه الحساب يعتبر اهانه اله لا
- اي طبعا بس شنو ربط
- چا الي يدري بكلشي وترجع تكله هذا مو مضيعه للوقت الي المفروض نستثمره بالتفكر
- ابني چا صدكتك لو ما نص وقتك تنشر بالانستا
- شيخنا شنو اسمك بالانستا حبيب الله

#1379

[Hani Yaqoub]

انا والشيخ

- لك ابني هاي شمسوي بوجهك كله خلطات بدل ما تهتم بنفسك تهتم بجسمك
- شيخنا الله اذا أحب احد يدخله الجنه لو لا
- الي الله يحبه مو بس يدخله للجنه لا وبعد أحسن الجنان
- زين شيخنا مو الله جميل يحب الجمال
- اي صح
- جا شيخنا شلون تريد الله يحبني وانا مو حلو
- ابني انت راح تفكرني بلات والعزه

#1387

[Hani Yaqoub]

انا والشيخ
- شيخنا هو الله مو موجود بكل مكان
- اي ابني لا يوجد مكان يخلو من الله
- زين هو مو اقرب النا من حبل الوريد
- ولقد خلقنا الانسان ونعلم ما توسوس به نفسه ونحن اقرب اليه من حبل الوريد
- جا شيخنا المن نصلي خو نصلي بالقلب والله يدري
- اي ابني صلي بقلبك بس الصلاة الي يمارسه الجسد هاي الله راده هيج والله يحب ان يعبد من حيث ما يريد وليس ما نريد
- شيخنا اليوم لسانك عذيبي
- لا انت الي شيطانك نايم

#1438

[spyman]

عوفه بحاله رحمه

[Hani Yaqoub]

انا والشيخ
- شيخنا هو الله يسدد الدين الي عليه ويه الارباح لو لا
- ابني شهل الحجي يا دين شهل السوالف
- شيخنا مو محتاج فلوس وذكرت مداين الله قبل فتره وكلت اخذهن هسه بس شو مستحي منه
- ابني وشلون داينته ليش الله الي عنده هل الخزائن يجي يطلب منك
- والله يا شيخنا ما ادري اسئله ليش كال من ذا الذي يقرض الله قرضا حسنا وانا نطيت لفقير وهسه محتاج اريد يرجعهن الي ويه الارباح
- ابني بس مو هيج بيوم القيامه الله يرجعهن الك اضعاف
- شيخنا يعني انضحك علي ها مراح احصل شي هسه
- لا ابني افهمتني غلط طبعا تحصل هسه وتحصل بعدين بس انت كلي عندك اثبات على انك مداين الله
- اي شيخنا لان كلت لصديقي يصورني وانا انطي للفقير ونشرته بالفيس وبالانستا وحتى بالتايم لاين نشرته كم مره وحتى عدلته بالفلاتر طلعت الفقير يخبل
- ابني اكدر اكلك راحت فليساتك لان الله كال اليمنه ما تدري بالايسرى من تنطي وانت شهرته
- شيخنا توبه لله اذا انطي بعد

#1597