المشاركة الأصلية كتبت بواسطة فواطم الصافي
عندي مُخده وحده هاي المُخده
والله جنت أريد أكتب عنهه بمدونتي بس مالي خلكـ يله هسه سويتلي واهس
المهم هاي المخده من أغلى ممتلكاتي
يعني عدادهه بعداد كتب الشكر ودروع التميز
المُهم هاي المخده لا عاليه ولا ناصيه وسط كلش كلش وسط
حته أبويه مره نام عليهه كعد الصبح يكول شبعت نوم و خالتي مره ركبتهه توجعهه و آني جنت مو بالبيت أمي الحبابه أنطتهه المُخده بس شنو تخبلت أبويه نايم عليه و خالتي همات .. المهم صدكـ ضجت
.. كمت من أطلع من البيت أشمرهه فوكـ الكنتور و أشمر عليهه كومة ملابس حته محد يشوفهه وياخذهه
هاي المخده وحد عن كونهه مخده مريحهه هي مخده لكل الممنوعات
.. يعني بيهه كل الممنوعات يعني توضيح أكثر الممنوع مرغوب وهنا المخده بيهه ممنوعات وبيهه مرغوبات فأما الممنوعات يا ولدي فهي كثيره
لا تعد ولا تحصى منها الفونديشن و ملحقاته و سنتطرق لها لاحقاً في جلسات قادمه ( بس والله من نطلع ما احط ولا قطورة فونديش ولا شويه و الله يكون شاهد عليه و حته بالبيت خو أذا عرفت أمي .. والله اموووووت تصير على روحي ألف سلام .. هو آني بالعقد مالت بت خالتي حطتلي خالتي مسكاره أمي كدام كل النسوان شسوت بيهه
) و أما المرغوبات
فهي ما لا عينٌ رأت و لا أذن سمعت ولا خطر على قلب بشر
من عائلتي وهنا في المرغوبات تفرعات ذكرتها أعلاه وسنأتي لبيانها أما ما لا عين رأت فهو أن المُخده محشوه بالسنيكرز والتويكس والبابلي و ... ألى آخره من الي ينباعن بخمسميه وفوكـ
و أما ما لا أذن سمعت فهو رام 8 كَيكَه يحتوي على محرمات
و جريمتها كالأربعه أرهاب بدستور المحلل السياسي السيد بابا وهي ( ما بيهه شي مجموعة أغاني مَسّارِي والله هاي اول حقبه زمنيه أسمع بيهه أغاني بحياتي كلللللللللللللللللللللللل للها والله
)
و اما الذي لم يخطر على قلب بشر فهي الموني
.. الأموااااااال
.. أنها النقوووووود
لتوضيح أكثر يعني ببساطه فلوس
.. خمساااااااااات .. بس خمسات والله يعني مو كلش طاكَه
وهاي أغلى مُخده بالدنيه
كلهه أذا أبويه يشيلهه لو واحد يشيلهه أكو أرجف تخيل .. أي والله .. سبحااااان الله
.. ههههههههع .. يا لالصدفه .. ههههه .. أي المهم أبويه البارحه حط المخده مالتي يعني هيج عشوائياً جرهه و حط مخده ثانيه فوكاهه علمود تصير بعلو مناسب .. ضغطي كام يلعب حبل
المهم بس لا يحس بالمخده شون مجعمره .. ( هيه بس من جانب واحد مجعمره و من الجه الثانيه كلش مريييييييييحه
ومن رحت بتت بيت خالتي يومين من النعاس أنام
بس ما مرتاحه بالنومه من رجعت للبيت ذبيت روحيييييي .. وكلت مره ثانيه أذا ردت أبات بيتهم أجيب المخده مالتي ويايه لأن جربت كل المخاد وماكو ولا مخده
حبيبتي مخدايتي
) المهم كتله بابا تريد مي كال أي والله .. رحم الله والديج ردت أكله الجمله المعتاده ( بابا آني شأستفاد من ترحم روحك و تبدي النقاشات الفلسفيه ) المهم سكتت لخاطر المخده جبت المي بلا ما أدري كلاص المي نصه أنجب على راس أبويه
.. رجلي أنعلست علسه محترمه
كلي أبويه هم كولي ما أدري بس كدرت اجر المخده بحركه سريعه وسلسه حركه ديناميكيه بلاتينيه خرافيه حديديه بلاستيكيه فولاذيه نايلونيه بلا مينتبه بابا
.. و أنقذت بُنَيَتِي من قيود الرأس الأبوي الأصلع حتى المنتصف
وباكيت جكاير وشاحنة الفون السري 
يجنن ولحد هسة ملگيتة
والله هذا يفوق طاقة تحملي .. آني أحس بالذنب على كل هذا اللطف الي تعاملني بي آني آسفه 
لأنك تقدملي شي أكثر من أستحقاقي 