اذكر عهود الريد
كَفاكَ جور وصِدود
كان حتّم غرورك يوم
ما تعدى كل حدود
عشان ريدنا ليك
كل يوم بزيد
تَكوينا بصِدودك
وفى هجرك تزيد
الغرور ساقك بعيد
حتّم عليك تبنى السدود
حبل الصبر مهما يطول
برضو فى الريد ليه حدود
والقطار كان فات وعدا
دون توقف بالمحطه
تانى ما بيرجع يعود
روح وتصحبك السلامة
انشاءالله ما تصيبك ندامة
كم صبرنا عليكَ ياما
والبيغرس زرعه ريده
ما برضى يجنيها بمهانة
والقلوب الحانية ديما
عزيزة ما بترضى بهوانها
الريد قِسم
وقِسمتك تب ما معانا
خدَعك غرورك
ورحتَ تمعِن فى جفانا
هفوة فهم
زلة عشم
القسوة ما بتأثر قلوب
واكبر غلط
تخلط الريد بالوهم
تفتكِر كلما تبعد نحِن
نركض وراك
نسعى فى رضاك
ونصون هواك
وتصبِح هناك
فوق فى عُلاك
انت النجم
انت الاثير
انت الحلم
بقلمى/ ود امدر
![]()