قصة حب ...صدگ صلفه...
خيانه وناس متحضرة لخبر فركاچ...
تضحك للصبح ليلين ..
أنه أوياچ... رگبه وسيف...
والناقص نزيز الدم
عليچ أشتاگ ... عكس الناس...
من تشتاگ...
من أشتاگ... ألبس درگه واتلثم...
يبنيه العشگ مبخوت...
ولد الناس مولعبه
خطيه أبليس.. بكتي اسوالفه الگشره ..
عليچ أحتام...
وتهيس شكو بهالكاع... طوله ذراع...
أگله أوياك غطيني ..
چنت إنسان...
أصليلچ سبع نوبات...
وأتنشد شكو من أصيام...؟
ضايع حتى اصوملچ ..
ضوه الفانوس متعافي...
يحل شعره... السرح بليل...
من تطلع شمس يلبد...
هاي أنتي... وضوه الفانوس ... نفس الثوب ...
بيكم سالفه أتلالي ...
أنه إنسان ... وشل كل حبر معناي...
ظل أوياي ...
بس أثنين...
أمي وناس تكرهني ...
رد مع اقتباس
المشاركة الأصلية كتبت بواسطة رجل كهل
