..
شماخذه الايام منك
انته بــس ¡
مو انته يمك
وعمرك الگاضي عمر
ماكله اسنينك الساعه وما وعيت
ضاعن الايام والمجيوب عمرك
وانته لاهي وما دريت
الدمعة اذا طاحت عمر
اللحظة اذا فاتت عمر
متاني وادم ماتعرفك هذا لـ متانه عمر
گلب بـ اوراق عمرك
ناس راحــوا
ناس اجــوا
ناس رايدهم يظلون ومشوا
اكو ناس تعوفهم ترتاح منهم
ناس ظلتهم حمل
واكو ناس طيوفهم
تگعد بـ راسك مثل خرخاشة بحجل
دربك اتعداك وانت
انت مشتول بدرب وادم نسوك
سلعة عازتها انتهت
العمر طاسة ماي وبرملة انچفت ¡
الدنيا ردتلك احلامك صم رماد
وباگها الريح من اديك
ديرتك فرشت جنحها الناس غربه
وانته منها وما كسر فيها عليك
شگد چبيرة مرايتك
من ما تعرفك
شگد چبيرة بـ ديرتك
ماتلگه حايط ينتچي تعبك عليه
سيد سعيد الشريفي
رد مع اقتباس
المشاركة الأصلية كتبت بواسطة غسان العراقي
