هنا

[أمير نفسي]

بدات قبل ولادتي كنت في رحم امي وقد بلغت من العمر تسعة اشهر وعندما اتى يوم ولادتي دخل بعض الارهابيون الى المدينه التي كانت يسكن بها والديا فهربت امي مع جمع من الناس حتى وصلو الى نهر كبير ويجب ان يعبرونه وكانت امي تخاف العبور بتخت القديم ويسمى قديمآ (كعد) ولكن امي حاربت خوفها لاجلي وركبت حتى وصلو الى مكان امن فولدتني في يوم ولادتي 9/9 -يوم قاسي على اهلي جان وبدت حياتي من هذه اليوم جنت احب امي اكثر من ابوي وبدونه الدمعه ما ما تروح من عيني وابوي جان بوكته شاب هامل امي واخوتي حتى ما يشتغل جانت امي معتمده على اهله واخوانه امي من سولف اتكول ابوك جان يوكفني قصاص على رجل وحده واذا انزله يعني محد يخلصني - المهم صار عمري5سنين افترق امي وابوي وكان الكل من اهل ابوي يتمنى هل شي لان يكرهون امي ومحد دخل بالموضوع وحاول يرجعهم ... يتبببببع ترقبو كيف تزوج ابي وكيف تزوجت امي وما حدث لي حينها
نصيحه اليوم ..: حافظ على امك وابوم ولا تفرط ب احد بيهم لان حنانهم ما يتعوض

[Scrap]

صدقت.. متابع

[Suzana]

هذه بأحداث2006لو غيرها؟
متابعة

[الحنونة]

حلوة القصة و احداث شيقة
انتظر التكملة

[ضّوِء أّلَقِمَر]

متابعة

[dr.Nafes]

ياالله..متابعه للقصه^-^..

[قـَســم ✞]

بدأيه محزنه
متابعة

[روجـيـنـا ♡]

بداية مؤلمة جدا
متاابعة

[أمير نفسي]

تكمله القصه /
عندما بلغت من العمر 5 سنين افترق امي وابي وكان اهل امي لايريدون بقائي مع امي وفي الصباح اتت السياره وذهبت مع امي وخالي ولكن حينها لم اكن اعرف انهم اخذوني الى ابي ف انا لا اقدر على مفارقه امي ولو لثانيه واحده .وبعد ما وصلنه جنت اتوقع راجعين للبيت حسيت بفرحه بس صدفه اجى اخوي الاكبر مني وجان يكلي تعال وياي وامي تبجي اني حسيت امي تريد تعوفني كلبي انكسر وبديت اصيح وابجي واصيح اريد امي اريد امي هذه الموقف ما انساه ابد لان لسه كلبي مكسور وابجي من اذكره اصعب لحضه هيه من اخوي شايلني ولازم ايديه حتى لا اروح ل امي وسياره طلعت وبديت اباوع ل امي وهيه تباوعلي وثنينه نبجي وراحت امي وبقين ابجي يوك كامل وابوي جان بكل الوسائل يحاول يسكتني بس ما اسكت وبهذه الفتره من طبيت لبيت اهل ابوي حسيت نفسي غريب ماكو احد اشكيله ومن اتعور ابجي ويكلي ليش تبجي وجان ابوي مزوج صديقه امي الي هيه جيرانه جانت جانت تكرهنه وتضربني من ابوي ما موجود .جنت ما اتمنه الليل يجي لان امي مو يمي بيا حضن انام وابوي نايم يم مرته واني وي اخوتي جنت الليل كله اكضيه بجي واصيح وينج يمه ليش ما تجين واباوع للكمر واتخيل امي هسه هم نايمه ودا تباوع ع الكمر واحجي وي الكمر وسولف شسوه بيه اهل ابوي وهواي سوالف بعد ما يخلصن الى ان مل من عندي ابوي ودزني ل امي لان محد يتحملني ورحت لبيت اهل امي وفرحت كلش من شفت امي بس ما دامت بنفس اليوم بلليل كعدتني امي وكالت يله كوم بدل خل اروح واني هم بدلت وركبت بسياره جان بيه بس اني وامي ورجال رحنه ل بغداد لان هذه الرجال يقرب ل امي وخاطبه وزوجت امي بعدين عرفت وبيوم الي رحت بيه ل امي هوه يوم زواجهم واخذني اني وامي ل بغداد لان بيت اهله هناك وهنا تعذبت اكثر من بيت ابوي لان هذه كان مزوج وعنده طفل بعمري وجان يجيب كلشي ل ابنه واني حتى اكل قليل احصل لان جان هامل امي وجنت كل ما اشوف امي وعذابه وياه اموت بداخلي الف موته واشبع قهر من اشوف ابنه يلعب ب الالعاب وكلشي عنده واني حتى ملابسي قديمه وبقيت على هل حاله شهرين الى ان اخذتني امي وصعدت للسطح وتوجهت للامام موسى الكاضم وهذه الموقف ما انساه وبدت تدعي وهيه تبجي واني مكسور كلبي عليه بس كلشي ما بيدي جنت جاهل ما اعرف .ورب العالمين استجاب دعوه امي وخلصت ورجعنه لبيت اهل امي وطلكت من هذه الرجال ومرن ايام وشهور الى ان صارت مشكله بين ابوي ومرته وتعاركو حتى وصلت الطلاك بينهم وافترقو وصدفه اجه ابوي وعمامي لبيت اهل امي حتى يرجعونه ل ابوي وقبلت امي ورجعو لذالك الكل يستغرب من اكله اني جنت حاضر بعرس امي وابوي ما يدرون بالمصيبه ..ورجعو سوه من جديد ...تعبت اكمل باجر
ترقبوووو ..كيف تعود العلاقه بين ابي وزوجته الثانيه
.وقصه مرض ابي وكيف وصل مرحله الحاله النفسيه الشديده (انفصام الشخصيه ) وكيف انفصلت امي عن ابي للمره الثانيه والكثير من الاحداث التي جعلتني متعب ويائس جدآ من الحياه ...
يتببببببع.........

[أمير نفسي]

هذه بأحداث2006لو غيرها؟
متابعة

تقريبآ بدت ب 2000 ولازلت مستمره هذه القصه ولم تنتهي