هنا

[مجهول بين الناس]

السلام عليكم
أول شي أني أحد أعضاء الدرر بس سويت حساب جديد علمود أطرح هاي المشكلة حتة محد يعرفني ثاني شي نجي للمشكلة

♥مشكلتي أني ما اهتم بشكلي أبداً يعني حتة شعري ما أمشطة مع العلم أحس برغبة أن أهتم بشكلي بس المشكلة كانت في الخوف من الأهل يعني أخاف من رد فعلهم من يشوفوني بشكل جديد
أو شخصية جديدة مهتمه بشكلهة ...مع العلم شكلي مقبول (ما عدى الخشم "شوووووية" طويل ههههههه) ....مع العلم أدري أن جمال الروح أهم من الشكل بس لازم نهتم بشكلنة ....أتمنى أن تساعدوني بهاي المشكلة حتى أذا تجاوبوني ع الخاص وأكون ممنون ♥

مع العلم عمري 17 سنة

[أليس]

نورت خيي واهلا وسهلا ...

[qas!m]

يعني انت مجرب سابقا تغير شكلك وتهتم به .. والأهل انصدموا ؟ لو هي مجرد مخاوف
عموما
جرّب الشي الخايف منه .. وقيّم تجربتك .. وشوف تستمر لو لا
أما
بالنسبة لخشمك فهاي نقطة بصالحك .. لان اكيد راح يساندك بكل ما اوتي من قوة

[غسان العراقي]

اهلا وسهلا
طيب وهل تهتم بالجوهر ام انه مهمل ك اهمالك للمظهر
اقصد هل تهتم بثقافتك بعلمك بالدراسة شلونك مهتم بها لو لا
هذه الاسئلة مهم ان تجاوب عليها حتى نستطيع تقييم حالتك ونجيب على تساؤلك

[مجهول بين الناس]

يعني انت مجرب سابقا تغير شكلك وتهتم به .. والأهل انصدموا ؟ لو هي مجرد مخاوف
عموما
جرّب الشي الخايف منه .. وقيّم تجربتك .. وشوف تستمر لو لا
أما
بالنسبة لخشمك فهاي نقطة بصالحك .. لان اكيد راح يساندك بكل ما اوتي من قوة

مجرد مخاوف ....هههههه بالنسبة للخشم أصلاً ما أهتملةحتة لو كان كلش طويل

[مجهول بين الناس]

اهلا وسهلا
طيب وهل تهتم بالجوهر ام انه مهمل ك اهمالك للمظهر
اقصد هل تهتم بثقافتك بعلمك بالدراسة شلونك مهتم بها لو لا
هذه الاسئلة مهم ان تجاوب عليها حتى نستطيع تقييم حالتك ونجيب على تساؤلك

شي أكيد مهتم بيهن

[Suzana]

لا اتخاف من شي غَيّر واصدمهم بالحقيقة يمعود شحصلنا من الاهل ههه.. حاول تمشط شعرك

[روح]

لو الكل يفكر مثلك ما بقى جمال بالدنيا

لا تصغي لأحد ولا تخاف من أحد. .الروح روحك والشكل شكلك ..وإذا واجهت انتقاد من الخارج انت الي حتنجرح مو أهلك. .
وبعدين مااعتقد أهلك راح يرفضون أو ميتقبلون تغييرك للاحسن! !

لكن. .الاهتمام بالجوهر أفضل بكثير مع عدم اهمال المظهر..

والشعر أهم شي ترا
ومو مهم اذا كنت مو حلو ..مو كل الناس حلوة

واسفه للاطاله..تحيتي

[بركان حبك ياعلي]

يا عزيزي ليش تخاف انت شاب لازم تهتم بنفسك لنفسك وبعدين خايف من شنو يعني التغير الي راح يصير شنو لهاي الدرجه ينصدمون هع صدك شعور جميل تهتم بنفسك

[روح ملائكية]

ليش احس اعرفك

مع اني ماعرف اشجع بس اندفع بقوه و لا تخشى احد

جديات عادي مبيها شي يتعودون .. اصلا حلوو يشوفوك شخص ثاني و مرتب و حلو و هيج يعني

اتمنى اكون شجعتك