روتين العناية الليلية بالبشرة
هلو بنات
روتين عناية ليلي بالبشرة حلو مجرد خطوات تتبعيها وية اي منتج يعجبج ويرهملج اني الروتين شخصياً افضل يصير قبل نص ساعة من النوم، تلحكَ البشرة شوي تمتصه وياخذ مفعوله وبعدين بالليل يكمل شغله ، هذي بس خطوات مو منتجات
بالليل تصير عملية تجديد الخلايا كلها، يعني الي تريد تعالج او تحافظ ع بشرتها لازم تلتزم بفد روتين
لازم كبل متنامين بشرتج فول متنظفة من الميكاب، النوم بي يضر يضر ويدمر البشرة بعد فتمسحين بمزيل ميكاب وجهج وركبتج، وبعدين نستخدم غسول ننظف بقايا الميكاب ونريح بشرتنا، ماافضل تسوين تقشير كبل النوم بالليل، الغسول وحده كلش كافي.. وممكن وراها تونك اذا حسيتي مكياجج جان قوي ومطلع كلشي.
بعدها يتم ترطيب بشرتج بكريم مغذي وبعدين كريم العين، وممكن تخلين كريم وبعدين تقفلين عليه بالسيرم او بالزيت كخطوة اضافية..
وممكن تخلين سيرم او زيت وحده، والزيت وحده كلش حلو للي بشرتها جافة، ينطيها نعومة ويرطب من كلبه والدهنية السيرم والمرطب الجل احسنلها
التقشير بنات يفضل يكون خلال الروتين الصباحي او خلال اليوم، مو بالليل ونفس الحال بالنسبة للماسكات الا اذا كان الماسك نفسه مخصص انو ينحط بالليل وتنامين بي, ونصيحة قبل النوم شربوا نص كوب مي يالله تنامون.
أختكم فقد الاحبة
رد مع اقتباس
المشاركة الأصلية كتبت بواسطة تاج-الورد
