ینتشر موضوع بقسم مساحة حرة و البنیه نشرت موضوع نصیحة للبنات ولکن اجت الردود بشکل مو مناسب للنصیحة ... صراحة اعترف انو فقد الاحبة کان اسلوبها جدااا رائع بالردود غیر انه بالاخیر اضطرت تشدد بجواباتها بس کانت جدا محترمة ...
اصحاب الحریة الشخصیة ....اعزائی بمجتمعات العالم کلها من تکون بالاجتماع ماکو شی باسم حریة شخصیة ....لما تکون بین اجتماع لازم تتابع قوانین المجتمع (های سالفتنه ماتخص الاسلام ولا تخص مواضیعنه اهنا بالدرر فقط ارید اوضح الحریة الشخصیة) یعنی الشخص من یکون بغرفته یگدر یتجرد من ملابسه ویگدر یرقص لروحه یگدر یدرس یگدر یکتشف اشیاء علمیة یگدر یخترع ویگدر ینطح الجدار (اعتذر علی مفردة ینطح) المهم عنده حریة شخصیة لکن من اجه بالشارع لازم یحترم المجتمع یعنی مایصیر یجی الولد لو البنیه ویمشون بالشارع من دون ملابس بحجة انه عدهم حریة شخصیة مایصیر مثلا واحد یسبح بالشارع (اللی گلتهن للمثال فقط) لان لازم یحترم الناس ..لهذا سالفة الحریة الشخصیة ماتمشی بکل الحالات لازم ننتبه الها کلنا ....
شی اللی اشاهده هالایام انه اصبحنه فریقین فریق یکرهون الدین وفریق یحبون الدین علی الاقل ظاهر المشارکات هیچ یگول ...حالیا من کل خمس مشارکات مشارکة وحده نشوف بیها تلمیح سلبی لیش اصبحنا اعداء ؟؟؟ اللی ما یقبلون الدین خلوهم براحتهم اللی یفکرون الدین اللی احنه متخذینه مو صحیح وهمه نظرتهم صحیحة حول الدین هم براحتهم ... العجیب انه فجأة اصحاب فکرة الحریة الشخصیة صایره ردودهم استفزازیة نوعا ما لیش هالشی ماندری؟؟
للبنات کلهن ::: مو لازم تناقشن علی سالفة یغضون ابصارهم و یفتحون ابصارهم و من هالسوالف السالفة بیناتچن
المرأة اشلون ماتصیر الرجل ما یتضرر ..اذا تکون محتشمة یکون بنفع الرجل ومکانها علی العین والراس و اذا ماتکون محتشمة هم الرجل ما یتضرر بالعکس یتنفع من حریة المرأة ... اذا اکو ضرر بالاخیر المرأة تضرر واذا ماکو ضرر هم الحمد لله
المشاركة الأصلية كتبت بواسطة رمـْـْْـْــــــــآڊ
