هنا

[جميل السراي]

لا تمشي ويه ناس الموعدل..... يمشون
ولا تقبل حجي الماشايفه. ..... بعينك
ترا لسانك حصانك لاتعلمه.....ايهين
اذا منك تعلم باجر.......ايهينك
اذا ماشيت أحد لاتخونه.....بيوم
خل دم الوفة يجري.....بشرايينك
وخل يضحك كلامك من يجبهك ضيف
وعلى كلمت هله علم .....فناجينك
بكاع العاشرك لاتزرع.....العاكول
عله زرع الورد عودهه ....جفينك
من عيون اليتامه شيل دمع ....العوز
وبعيون المذلة ازرع ....سجاجينك
ولا تتعلى فوك اعله الذي .... علاك
لأن من طحت تحتاج....... اليعينك
​

[جميل السراي]

منو كال الوكت مو عدل ويه الناس
وحق ربك عدل بس احنه عوجان
الأنثى اليوم صارت تلبس اعكال
وبعض الزلم صارت حيف نسوان
وسفه صرنه بس بالإسم اسلام
عصينه الله ورضينه بعمل شيطان
خلق ربك فرق مابين كل مخلوق
عقل حط بيك ما سواك حيوان
فكر يابشر لا تمشي درب الشين
تتعب والنتيجه انته اللي خسران

[جميل السراي]

نرفع أسمى آيات التهنئة والتبريك لصاحب العصر والزمان،
أرواحنا لتراب نعليه الفداء،
وللمسلمين جميعاً، بذكرى حلول عيد البيعة والولاء ،
عيد الغدير الأغر ..
وكل عام وأنتم بخير ..



غرد الطير مبشرا
بعيد الغدير
فلهموا نجدد البيعة
للأمير
ونرتوي من حب البشير


*•~-.¸¸,.-~*..عيد الغدير..*•~-.¸¸,.-~*​

قل للكآبة تنجلي
فاليوم تتويج الولي
وإذا بليت بنكبة فأهتف
ونادي يا علي


*•~-.¸¸,.-~*..عيد الغدير..*•~-.¸¸,.-~*​

[جميل السراي]

هو البدر أم نور الضريح يلوح
هو المسك أم طيب الوصي يفوح
نبارك لكم هذه الليلة


*•~-.¸¸,.-~*..عيد الغدير..*•~-.¸¸,.-~*

[جميل السراي]

اللهم ب(علي)
و بحق (علي)
و بحب (علي)
و قرب (علي)
ثبتنا على
ولاية (علي)
نزف اليكم اجمل
التهاني و التبريكات بعيد الغدير
اسعد الله
ايامكم


*•~-.¸¸,.-~*..عيد الغدير..*•~-.¸¸,.-~*

[جميل السراي]

النــــاس ...


شـــــافــونـه ســــوه
حســبونه مــن اهـــل الهــــــوه
مـایــدرون جـامعنــــه جـرح
و اثـنـینـه انـدور دوه .
‌

[جميل السراي]

من شفتك هويتك واليحب مو عيب
ورسمت ارموش عينك بالعقل صوره
وماكتلك أحبك مستحي وخجلان
وتظل كلمة حبيبي بكلبي محصوره
وخليت المحبه بدمي تسري هموم
وروحي من الهموم عليك مسحوره....

[جميل السراي]

شمسوي انت وياي هلكد احبك
شايل بخور هنود لو خرزه عندك
بحبك صرت مجنون واصرخ اريدك
لومتت بين الناس ادفني بيدك
لاتكتب المرحوم اكتب شهيدك....

[جميل السراي]

الكاع. تحسدني عله هيبة مستحاي.
ضحك بوجه اليحط سيفه بكفاي.
ما تهزني السالفه المابيها روح.
اسامح اليكرهني. ويسولف وراي

[جميل السراي]

ﺍﻣﻲ ﺷﻜﺪ ﺣﻨﻴﻨﻪ ﺑﻜﺒﺮ ﺍﻻﺣﺰﺍﻥ ……
ﺗﻠﻢ ﻫﻤﻮﻣﻨﻪ ﺑﻠﻔﺖ ﻋﺒﺎﻳﺘﻬﺎ……
ﺍﻣﻲ ﺷﻜﺪ ﻋﻔﻴﻔﻪ ﺗﺴﺘﺤﻲ ﺣﻴﻞ……
ﺗﻈﻢ ﻋﻮﺯ ﺍﻟﻮﻛﺖ ﺑﻄﺮﺍﻑ ﺷﻴﻠﺘﻬﺎ……
ﺍﻣﻲ ﺑﻨﺺ ﺣﺠﻴﻬﺎ ﺟﺒﺎﻝ ﺍﻟﻬﻤﻮﻡ……
ﻭﻻﻳﻮﻡ ﺍﺷﺘﻜﺖ ﺑﺲ ﺗﺠﺮﻱ ﺩﻣﻌﺘﻬﺎ……
ﻭﺑﺤﺠﺖ ﺗﻠﻮﻟﻲ ﺗﻔﺮﻍ ﺍﻟﻬﻤﻮﻡ……
ﻭﺗﺸﻜﻲ ﺑﺎﻟﻨﻮﺍﻋﻲ ﻫﻤﻮﻡ ﻋﺎﺯﺗﻬﺎ……
ﻭﺍﺫﺍ ﻣﺮﺍﻧﻪ ﻇﻴﻢ ﻭﺳﻤﻌﺘﻪ ﺍﺷﻠﻮﻥ…..
ﺗﻨﺸﻎ ﻭﺍﻟﺪﻣﻊ ﻳﺘﺮﺱ ﻣﺨﺪﺗﻬﺎ ……
ﺭﻏﻴﻒ ﺗﺼﻴﺮ ﺍﻣﻲ ﺑﺴﺎﻋﻪ ﺍﻟﻌﻮﺯ ……
ﻭﺗﺸﺒﻌﻨﻪ ﻭﺗﻈﻢ ﺑﻀﺤﻜﻪ ﺟﻮﻋﺘﻬﺎ……
ﺗﻨﻜﻂ ﻣﺴﺘﺤﻪ ﻣﻦ ﺩﻛﺖ ﺍﻟﺒﺎﺏ……
ﻟﻮ ﺧﻄﺎﺭ ﺍﺟﻬﺎ ﻣﻌﺰﺑﻪ ﻋﺎﺩﺗﻬﺎ……
ﺷﻜﺜﺮ ﻟﻔﺖ ﺍﻟﻌﻮﺯ ﻭﻧﺎﻣﺖ ﻭﻳﺎﻩ …..
ﻭﻻﻣﺮﻩ ﺍﺷﺘﻜﺖ ﻟﻠﻨﺎﺱ ﻋﺎﺯﺗﻬﺎ……