قصة طريفة قرأتها في أحد المنتديات وبصراحة أعجبتني
فأحببت أن أنقلها لكم.. وهي قصة حقيقية كما يزعم راويها !!
زواج بنت ..
هذي البنت سلمكم الله عندها خوات أكبر منها وأصغر منها وهي توها متخرجه من الثانوية
و ماعندهم خدامة بالبيت كل يوم الدور على وحدة من البنات تطبخ وبعدين ترمي الزبالة عند
الباب المهم يا دورهالبنت اللي أتكلم عنها كانت سهرانة مع خواتها إلين الساعة 2الصبح
وبعدها خواتها راحوا ينامون فوق.. وهي قعدت تنظف المطبخ وعقب ما خلصت قامت وطلعت
الزبالة عند الباب..المهم البنت قالت ليش أحطها عند الباب خليني أتشجع وأرميها بالزبالة
أحسن .. وطلعت بره بالشارع وكان الشارع فاضي و الساعة حوالي ثلاث ونص
المهـــــــــــــم ..
يوم يت تقط الزبالة سكر باب بيتهم (: وقعدت المسكينه بالشارع...فكرت ترن
الجرس خافت أبوها يهاوشها ويسوي ليها شي ( لأن أبوها عصبي)... وهي بالشارع
بهدوم البيت ..المهم سمعت صوت يقرب منها .. صوت سيارة !!
من الخوف والفشلة قامت مسكت الزبالة وقلبتها ودخلت داخلها (؛
وطلع إلي بالسيارة ولد جيرانهم .. !!
كان توه جاي من الديوانية..المهــم يا ولد الجيران وقف السيارة وطلع المفتاح علشان بيدخل
للبيت إلا يسمع صوت يتحرك بالزبالة !!
وأستغرب إن الزبالة مقلوبة قام وقرب منها... ويا بيرفع الزبالة ويا زينها (؛
إلا صرخت وقالت : لالالالا.قال : بسم الله الرحمن الرحيم..أنتي إنس ولا جن !!
قالت : إنس .. قال : إنتي وش جابك هنا؟؟
وقالت له القصة وهي متغطية بالزبالة وترجت ولد جيرانهم يساعدها
قال خلاص لاتخافين .. قام قرب سيارته من باب البيت وركب فوق السيارة ونقز
وفتح للبنت الباب.. وقالها : دخلي بسرعة لاحد يشوفك
قامت مسكينة ماصدقت رمت الزبالة.. وطلعت قدام ولد جيرانهم ودخلت البيت وقفلت الباب
على طووول...وولد الجيران واقف ماتحرك يطالعها !!
المهم. مامر على هالسالفة يومين إلا جا وخطبها من أبوها وتزوجها .. (:
قصة زواج غريبة وعلى فكرة ترى هذي السالفة حقيقية
وحصلت بالفعل ..
لكن بنات ديروا بالكم ترى مو كل مرة تسلم الجرة .. لا تفكرون تقلدونها (؛
** وتقبلوا مني
رد مع اقتباس
