رد حسين الساعدي على سؤال دارمي عميه التفك بالباب!
خرسه التدك بل باب عميه التفك بية .
والخرسه عده عتاب للعميه تحجية ..
هذا سؤال مطروح بكل مكان ونجهل اسم الشاعر
والان مباشر عدة اجوبه من حسين الساعدي لهذا للسؤال
__________
العميه تندل وين ياخطوه الباب
والخرسه تشبك غاد شبكات العتاب!
االساعدي
العميه بيها اتجيس باب الترده
والخرسه بالاحساس تحجي الموده!
االساعدي
تبجي وتجر الناس يم عتبة الباب
والعميه تسمع غاد مفهوم العتاب!
االساعدي
الخرسه تحجي اعتاب باهات الجروح
والعميه تفهم زين بمعاتب الروح
االساعدي
الخرسه تبجي ادموع يم اليمرها
وتجيبه للعميان يحجي ابخبرها!
االساعدي
عميه التفك الباب لا مو بعيده!
والخرسه بالاحساس تحجي التريده!
االساعدي
العميه تفهم راح همسات العتاب
تعرف الخرسه اهناك يم عتبة الباب!
االساعدي
عميه التفك بالباب والخرسه التنوح
تشبكها شبكة روح وتعاتب الروح
االساعدي
يتحاظنن وهناك دكات الكلوب
يحجن عتب و ابساع يفتهمن انوب!
االساعدي
ترسم دمع لناس خاطر يفهمون
للعميه ويودون دمعات العيون!
االساعدي
خليت الاخرس كام يحجيها لناس
وصفت بالاشعار مفهوم الاحساس!
االساعدي
هذا السؤال اوياي كلش بسيطه
ارسم اهواي ادروب مثل الخريطه!
الشاعر حسين الساعدي
رد مع اقتباس
المشاركة الأصلية كتبت بواسطة الــعـلويـة المــوسـويـة
