شيء من الطفوله _ اجمل موقف مضحك
س ع و ا
من جنت زعطوط فكريا بالسادس ابتدائي
صارت مسابقه رياضيات على مستوى البصره
فكان او جان ويانا طلاب اثنين اذكياء هواي او حسب ما يتصورلي همه اذكياء بذاك الوقت قبل ان اكتشف العلاقه مابين الذكاء والسج
فالاستاذ بين موعده واي مدرسه تقام بيه
هذه المدرسه كانت قريبه على قرايبنا فصدف الشخص الوحيد الي يندل هاي المدرس هو انا اعوذ بالله من هل الكلمه اذا اني
فلسان حال صدري ضربته
وقلت للاستاذ انا ادلي الطلاب عليه واتفقنا عل يوم الجمعه
وصارت يوم الجمعه
اخوي اجه كعدني ساعه 9 كلي صديقك بالباب يكول وينك
انا ما فهمت شنو السالفه طلعت اله
لكيته كاشخ اخر كشخه وفق الزمن ذاك
كلي جا مو اليوم المسابقه وينك
انا هنا انصدمت نسيت اكول لاهلي عليه
كتله طلعت من الصبح بس انتم ماكو فرجعت نمت فكلته هسه وين صديقنا الثاني كال ماكو
بس انت خلص وصلني للمدرسه هسه
انا على حالتي هاي قبل اخذته للمدرسه لا مغسل لا لابس لبس بيه حظ وبالنعال رحت بدون تكرمون لان الله مكال تكرمون بالقران
دخل صديقي للمدرسه للقاعه وانا بقيت بره
اشو هذا وره شوي طلع كال الاستاذ يكول تعال ادخل ما يصير مشارك واحد
فدخلت ويا هنا صارت صدمة عمري الي الاء خذلتني بيه
طلعت القاعه متروسه لدينه اساتذه وطلاب وطالبات والزينه والاكل طلع الموضوع اكبر مما جنت اتخيل
الدنيا حاركينه وكله كاشخه
اله انا جاي امبهذل بمعنى الكلمه بس شفتهم
بالله صار بيه شلل وانا امشي الفشله الزينه
وقته شفت وحده من المدرسات الجميلات الي تحبني وكعدت ادك سالفه وياي بعد المسابقه نستني الي صار كله
طبعا خسرنا بالمسابقه لان حظنا الفكر جاب النا اسئله صعبه حيل حتى الاستاذ كال شهل الحظ
واحتاجيت اسابيع طويله اقنع جماعتي انو انا رحت بس همه الي تاخرو ورجعت
وشيء بالشيء يذكر وان ماكو علاقه ويه كلامي السابق
جنه ساكنين بمنطقه شبه صحراويه بيئته
فكالو ولد المنطقه اكو مسبح بنص الصحرا وراح نروح نسبح باليوم الفلاني طبعا احنا بكل عقلنا الطفولي صدكنا هل الحجي
اجتمعنا باليوم المقرر تقريبا بينا 20 اكثر من الجهال وانا واخوي وياهم وتوكلنا على ارادتنا الصغيره وانطلقنا
مشينه بالصحراء حد ما طلعت روحنا وما وصلنا للمكان المقرر فحجينه على الي جاي يدلينا وهو ياكد ان المسبح موجود بس بعيد
مشينا اكثر حد ما وصلنا بيت مبني بس الاساس مالته وقبال البيت حفره ضخمه
هاي الحفره هي الي جان بيه الماي
فكال هو هذا المسبح وانحنا ما كلنا باطل انزع وجيت بالماي
وبما ان احنا ما نعرف كل شوي مثل النغرق ونشرب من الماي
وره شوي انتبهنا ان الماي لونه اخضر
واكو عكاريك (ضفادع حولنا )
يابه هذا مو مسبح هذا خيس لا اكثر هنا
كال ها لعد مو هذا المسبح احنا تيهنا واستعجلنا هههههه
طلعنا وريحتنا بشده
رجعنا من طريق مختلف ولكينال المسبح الحقيقي
كان بوري الماي الرئيسي الي يغذي نص المحافظه مكسور ومسوي حفره غميكه (عميقه) بشكل مو طبيعي فجانو الولد كله تسبح بيه
فسبحنا وياهم ورجعنا للبيت ساعه 6 واخذنا كتله من امي عدله ومن ابوي بعده لان ريحتنا تصدم ولان امي بقت قلقه علينا النهار كله
_ ملاحظه هي مو صحراء بس ارض واسعه بس لان جنه زغار نشوفه صحراء وماكو اي شي ضخم بالموضوع حتى الحفر
رد مع اقتباس
)
المشاركة الأصلية كتبت بواسطة ₦ĦĂsĂ
