السلام عليكم
هاي بالمرحلة الثالثة مقرر القسم طلبنا اني وصديقي حتى نصعد نوقع تعهد عدم الغياب مرة أخرى ..
المهم قبل منوصل المقرر لاكتنة مرة هي وابنها .. فسالتنة كالت انتو مرحلة أولى . كنالها أي مرحلة أولى وهذا اول سبوع النه هنا ..
فكالت هذا ابني خطيه أخذوا وياكم ودلوا ع القاعات ..
طبعا ابنها واحد صاك بس المشكلة مطفي بشكل يعني يجوز لحد الان مايدري صدام سقط لو بعدة ..
المهم اتفقنا اني وصديقي ان ننصب علي ..فاخذنا ويانا وكعدنا بالمرحلة الثالثة .. وهو خطية صافن ع استاذ وكلشي ما يفتهم واحنة انكلة هو الاستاذ ميفهم .. المهم بقى يومين يداوم ويانا لحد ما اكتشف الموقف وزعل علينا .. طبعا احنا ورة اسبوع راضينا لان خطيه ميعرف أحد بس احنه ..
راحت ايام واجت ايام اتفقنا اني وصديقي حتى نسوي مقلب بي ثاني ..
فاخذنا للنادي وكلنالة شوف هذيج البنية الي تاكل بيتزا اذا رحت وأخذت منها قطعة بيتزا ريوكك سبوع كامل علينا .. واذا رفضت فريوكنا عليك ..
طبعا احنا اتفقنا وية البنية من اول محاضرة انو ما تطي قطعة وطردة .. طبعا البنيه ويانا بالشعبة ..
المهم هو اشتغل عنده هرمون الزحف وكال بسيطة ..
طبعا هي شنو من بنية (صدك الله تعبان عليها)
المهم صاحبنا راحلها وكعد يمها .. واحنه نباوعلة من بعيد ...
اشوو هذا اكل نص البيتزا والبنية تضحك ويا ..
واني صافن بوجه صديقي أكلة شنو معقولة باعتنة .. وصاحبي هم ضل صافن ..المهم فلتنا وعفناهم ..
المهم ثاني يوم رحت للبنية اعاتبها باعتبارها صديقتي ..
اشوو هي كانت تضحك ودكلي حلوو واجه لقفصك تعوفة .. ههههه
طلعت دور حلوين ..
لعد وين سيد الصافي وين حيدر العبادي
رد مع اقتباس
المشاركة الأصلية كتبت بواسطة دكتورة وطن
