اعصابي تعبانه ممكن حل
اعصابي تعبت ونفسيتي تعبت من كثرة التفكير والهم والقهر ممكن حل للي اني دا أمر بي اني والدي متوفي منذ اشهر ووالدتي متوفيه منذ الصغر وعمري بين ال٢٦ وال٣٠ وتعبت حيل حته بالعمل هم حسو بيه ويكولوي شبيك اشو اعصابك كلش تعبانه وجسمك نحلان وكأنه مريض واني اكللهم اي فعلاً اعصابي تعبانه بس مابيه اي مرض اريد حل الكثرة التفكير والهم لأن تعب اعصابي بسبب كثرة التفكير والهم وشكراً
اخوية لازم تذكر سبب التفكير حتى ممكن نكدر نساعدك
واذا كان اليتم هوة السبب ف الله يصبرك اولا
وثانيا عندي طالب عمره ايام وتوفه والده حتى مشايفه وهوة طفل من يذكر ابو يبجي
وعندي طالب لاخ عمره سنه وامه توفت بالسرطان وصار عمره خمس سنوات وتوفه والده بحادث ومعنده لاعم ولاخال فقط بيبيته وحالتهم صعبه
تره الاف غيرك يعانون اكثر منك لكن اقوياء ويواجهون الحياة انت من شنو خايف ويئسان
ولاتقنطوا من رحمة الله
الله يساعدك اخي ..
شوف اني اول ما اتخرجت اشتغلت ويا مقاول وطبعا الشغل كان متعب حيل يعني كنت اشتغل ١٢ ساعة صحيح بيها الفلوس بس حياتي بدت تتغير وكنت اعصب من ابسط الاشياء وكرهت الدنيا ..
طبعا عندي صديق يشتغل سكرتير يم دكتور نفسي بمستشفى العلوية وصديقي نصحني ازورة .. طبعا اني بالبداية ما قبلت ع أساس شنو اني مخلل مثلا .. المهم قنعي صديقي ورحت زرتة .. فسألني ع هوايتي .. كتلة احب تلعب شطرنج واحب اشوف افلام .. فكلالي لازم هذني سويت اقل شي بالاسبوع مرة .. واني بديت اروح للسينما .. والعب ويا اصدقائي شطرنج .. ومن هذاك اليوم اتغيرت حياتي نحو الأفضل وحصلت شغل افضل .. ولا تنسى صديقي
دوام الحال من المحال ..
اسف ع الإطالة .. ارجو ان تستفاد من تجربتي
صديقي ..
تحتاج فقط سفرة ترفيهية مثلا لأماكن بيه خظار بيه نهر أنت ومن ترتاحله. .أو زيارة الأماكن المقدسة. .
ثانيا حبي الدنيا خلصانة عيش حياتك متسوه تفكر هالكد
تحياتي إلك صديقي
حبيبي الورد ،،،
التفكير الزائد يحطم ألأنسان ،
نعم أنا أقول لك لايستطيع ألأنسان أن يمنع التفكير ،،
ولكن قدر المستطاع حاول أن لاتفكر في ألأشياء التي تسبب لك الحزن وألأنهيار ...
فكن شجاعآ في التغلب على مايسمى (التفكير الزائد )
وأعلم أيضآ بأنك لست الشخص الوحيد الذي يعاني من التفكير ،، فالأغلبيه تراهم على هذه الشاكله ،،
تحياتي لك ،،
اخي العزيز
الكلام في حالتك لا يقدم ولا يأخر ، انتَ داخل على اول مراحل الاكتئاب النفسي
نصيحة مُحب ، راجع طبيب نفسي و اسمع منه ، ما تخسر شي صدقني
اتمنالك الموفقية في جميع مجالات الحياة
اخي الكريم ، اقترب من الله سبحانه و تعالى و اتخذه صديق و احجيله اللي مضايقك و ادعيه و هو يتكفل و يخلصك منه عاجلا و ليس آجلا ان شاء الله و استغفر الله هواية
و موفق ان شاء الله دائما
اخي انا لا ألومك في ذلك فإن فراق الأب مؤلم لا يشعر به الا من تذوق هذه المراره ، انا جربت فراق الأب وتعبت كثير من بعده ، لكن الحمدلله على كل حال قُل الحمدلله وارضى بالواقع واستغفرالله كثير حتى يأتيك الفرج وتصدق كثير .
لله يصبرك
قط همومك ورا ظهرك الحياه تعيشها مره وحده مو مرتين استمتع بكل لحظه تمر عليك الله سبحانه مدبر كل امورك لاتفكر تتلف اعصابك او الله مدبر امورك كلها
رد مع اقتباس