انة ابلياك اتوچة على المامش
وانتة شلونك بلياي ..
#لطيف_العامري
.
.
لا قطار ولا سفينه ..وانه والليل بأمل جيتك علينه
طيح يا دمع النده وگطر بدينه
احنه ليليه إنتلاگه
نسهر انه وياك ياليل المدينه .. انه عيني عالمحطه وإنته عينك عالنهار
وخلصت عمري انتظار ..
#كاظم_اسماعيل_الكاطع
.
.
بسواد الليل
تتلملم حمامات ألحزن بيه
ومصابيح المدينه تمووت
#مظفر_النواب
.
.
ولملم روحي للملگه وحني جفوفي للشبگه
وغمض عيني بحرگه هلبت طيف مر بيك ويمر بيها
يناغيها .. ويشح الطيف
#نوفل_الصافي
.
.
ومن تون بسكوت ون
يا حلاة الدنيا لو ونيت سكته
#كمال_سعدون
.
.
دمــعة الشوگ العزيزة
اتظل على خدود اليحب
وسمة عتب
#آيه_طارق
.
.
ونتانيك حد ياليل .. حد يا شيب
عتگت روحنه وعتگت نوايانه
شوكت يا طيف تلگانه
#علي_الصبيحاوي
.
اجو على البال ..
يادنيا شجاج شبيج
كل هذا الوسع وانتي ولا شباج
#عبد_الكريم_القصاب
.
.
تعذرت يا بخت ليل المسعدين
ويامرارة ليشنه بطرف اللسن
#عريان_السيد_خلف
.
.
غفله الدموع تموت برموش الجفن
ماندري تالي الشوگ بس ذله وحزن
#عزيز_السماوي
.
.
.
البارحه ..
غنيت الك كل الاغاني اللي تحبها البارحة
وردتك تجي
#زهير_الدجيلي
.
.
يوميه أشر اخدودي من تطلع شمس
#عقيل_العرد
.
.
أشتهيت الليله اموت باب بيتك
آآخ مني آآخ مني
شكد تنيتك
#عامر_عاصي.
.
.
.
.وك يا ليل لا تنغر
حزني هواي و أنت أزغر
حزني إيطول
و أنت بكل صبح تعثر.!
#احمد العبيدي
.
.
.
ميت .. بس يتاني يموت
انه حزني انقره بقصتين
العمية الفاگده الي تصيح عمت عيني انعمت مرتين
#حسين_علي_المطوري
.
.
وما اصدگ
حته لو جيتوا وگعدتوا
عيوني احس بيهن غشه
وما اگولن انتو
#سعدون_قاسم
.
شيعثر اجدامكم
لا والله هية كلوب
شيعثر گلوبكم والگاكم بدربي
#حسين_البحتري
.
.
بين اللچمه واللچمه
يمر اسمك
ومن الـ اااخ تترتل تفاصيلي
#ناجح_الجبوري
. مـنـقـول
رد مع اقتباس
المشاركة الأصلية كتبت بواسطة حسين عباس.
