لحظـــــــــــه نــدم
كتبت الشعر مولجلك بس فاض بي بركان
وإنما أنتي فلا تسوي قصيده في نظر عيني
.................................................. .
حلفتي لي تصونيني إذا صار الزمن خوان
وأول ماعثر حظي على دربك خذلتيني
..................................................
كسر رمح الزمن صدري وجيتك اشتكي حيران
نزعتي الرمح من صدري وفي ظهري طعنتيني
.................................................
خسارة كيف جيتك .. نعم والله انا ندمان
غبي أدري نعم أدري مادام أنك سكنتيني
...............................................
ثلاث سنين من عمري وانا في لعبتك غرقان
أشيل الشوك من دربك وجرحي كان يدميني
.............................................
وكنت أبكي أذا بكيتي واكون لبسمتك فرحان
وكنت أقرب من رموشك لعينك يوم تبغيني
................................................
حفرتك داخلي ظني تصوني عشرتي ازمان
وكنت أحفر قبر موتي على ساحل شراييني
.................................................
على كف الشقا نامت جروحي والألم سهران
يحطمني .. يعثرني وفي صحراك يرميني
...............................................
لكن عزتي تفرض أكون بدنيتي سلطان
وإن ظنك أجي أركع لرجلك ..ماعرفتيني
.............................................
أنا ماعادتي اشحت من أمثالك رضا وإحسان
أموت بعزتي أرحم ولاذاك يعطيني
.............................................
ومادام الوفا عندك يدور له عنوان
بدور لي على قلب يصون الحب وسنيني
.......................................
ولو قلبي رجع حبك بولع فيه النيران
وبكسرها انا رجلي إذا صوبك توديني
...........................................
ولو دار الزمن ضدك وجيتي تطلبي الغفران
وجبتي الشمس في كفك لعندي ... مابتلقيني
.........................................
تقول الناس في وصفك :جميله مثل عود اللبان
وأنك أجمل وأحلى بشر مخلوق من طيني
.........................................
وأنك غاليه واثمن من الياقوت والمرجان
تقوم اكوان ...من شانك وتقعدلك بلاديني
......................................
حسافه غرهم شكلك وياما تخدع الألوان
عموما .. بقيت كلمه أخيره لك وسمعيني
...........................................
إذا كنتي في نظر غيري ملاك في شكل إنسان
قسم بالله ماتسوي قصيده في نظر عيني
رد مع اقتباس
يسلمووووو ناروتو