فد واحد التقى بتلث عراقيين ( عامر و عمّار و عمران ).
كل واحد منهم من فد محافظة، واحد بغدادي ، و واحد بصراوي، و واحد مصلاوي.
لو فرضنا ان البغدادي يكول الصدق دائماً.
و البصراوي يكذب دائماً.
و المصلاوي متقلب( يعني حسب مزاجه، لو يصدق لو يكذب).
(مع احترامي لاهلي في كل المحافظات... هاي مجرد حزورة)
الشخص هذا سألهم: انتوا من أي محافظة؟
عامر: آني اعرف بأن عمران بصراوي.
عمّار: الأخ عامر من بغداد.
عمران: أقدملك نفسي... آني مصلاوي.
......
السؤال: منو بيهم بصراوي؟
اعتقد عامر
عمار
أريد الحل مع ذكر السبب ....
بما ان عمار گال عامر من بغداد وعامر البغدادي الصادق گال عمران البصراوي إذاً البصراوي عمران؟
عمران هو البصراوي
عامر بغدادي وحجة الصدق
عمار مصلاوي وايضا حجة الصدق
و عمران بصراوي وكذب
احبابي... لاحظوا بأن بس واحد منهم صادق.. وبس واحد كاذب و بس واحد متقلّب... يعني ميصير أثنين يكونون صادقين( إلّا إذا جان واحدهم صادق و الثاني متقلّب بس بالصدفة كال الصدق).
اي بس جوابي اني وكات صح ..المشاركة الأصلية كتبت بواسطة دكتور جميل
لان عمار كال عامر من بغداد .. يعني مستحيل يكون عمار بغدادي لان البغدادي ميجذب ..
وايضا عمران كال اني من الموصل .. يعني مو بغدادي لان البغدادي ميجذب ..
ويبقى بس عامر .. يعني هو البغدادي قابل اكو رابع .. المهم عامر كال عمران من البصرة وبهاي الحالة لازم نصدكة لان هو بغدادي .. يعني عمران هو البصراوي
مضبوط... هسه التحليل صحيح و منطقي... احسنت!
رد مع اقتباس