اول شي لازم نخلي ببالنا فكرة انه لكل شخص او طفل قدرة على التعلم تختلف عن الاخر و هالشيء تحدده العوامل البيولوجية او الوراثية .. بس هذا ما يعني انه انسان ينولد ذكي و اخر مو كلش يفهم و يكعد يسكت و انما يحتاج شغل شوية اكثر من الي قبله ..المشاركة الأصلية كتبت بواسطة Gardi
خوف الاطفال يحتاج معرفة الاسباب ، هل السبب في المؤسسة نفسها من كادر الى اخره ام الاسرة نفسها من حيث الاهمال للطفل و عدم خلق بيئة تحببه بالدراسة ..
الطفل مو غبي او ميحب العلم لكن محد يعطيه الاهتمام الكافي او التوجيه الصحيح نحو الدراسة و هالاهمال رح يستمر الى خلق شخصية مهملة .. دائما ما تكون الاشياء نفسية سببها خليط بين العوامل البيلوجية (دائما تأثيرها غير معروف لان الجينات امر معقد )و البيئة (هنا هذا عامل مؤثر جدا و بالامكان التلاعب به و تغييره و هنا نقصد المؤسسة التعليمية من تغيير بالمناهج الطرق التدريسية حتى تكون اكثر امتاعا للطفل و تخليه يندمج اكثر و كذلك تأثير الاسرة ) ..
هذا السؤال دائما ينطرح و مسبب احباط لعدة طلبه انه ليش اني ادرس هواي بس مجاي اجيب درجات زينة ؟ .. الجواب ماله علاقة بالاختلافات و انما بطريقة الدراسة نفسها .. مثلا طريقة الدراسة مو نافعة يعني يفضل الدرخ ع الفهم او يقرأ بطريقة غلط او استخدام خاطئ للمصادر .. مثلا بالطب الحفظ مطلوب بس متكدر تجيب درجة عالية اذا ما تفهم ، لذلك الدرخ و الجهد العالي ميولد نتيجة راضية يعني ساعات الدراسة متتناسب مع الدرجة اليحصلها الطالب ..
اغلبها مو حالات مختصة بعلم النفس .. اكو حالات مرضية معينة تبدأ عند الاطفال مثل مرض عدم التركيز او تشتت الانتباه و هالشي مو شائع ..
رد مع اقتباس
