شلون أتريد اودعك اه لو ظيم ؟
ومنو اليضمنلي انته ايام وتعود
هاك الروح شوف الروح ياحال
مالاگلهة غير اهدومهه السود
وبعد بابك شدگن أنه ياباب
اذا كلما اجيك الباب مسدود
وشلي بهل الچفوف المالهن خير
عساهن بالگطع من حد الزنود
وشسوي بروحي بعدك هاي مو روح
گبل چانت ورد هسه بطرگ عود
عله افراگك تناشدني التصاوير
وشگن ثوبهن ساعات الوعود
وشگ روحة الگلب كسرلي الضلوع
وطلع من الصدر شيرده الي اردود
وبچيت شگد عليك وهاي مو عين
يمكن بير جوه الوجه موجود
لأن صبت دمع ماظن دمع عين
دمع يجري ودمع ماكضته أحدود
وترة دمعي النزل ما اعتقد ماي
يمكن روحي سالت فوگ الخدود
رد مع اقتباس
المشاركة الأصلية كتبت بواسطة رجل كهل
