كلها اشيوخ!!!_الشاعر حسين الساعدي
كلها اشيوخ
كلها اشيوخ
ماكفوا اطلابه ابيوم
يوميه الطفل مفشوخ!
صعد سوك الكهوجيه
وطار ابسرعة الصاروخ!
لان زاد النفخ بالناس
ياهو ايفشش المنفوخ!
كلها اشيوخ
جان
الشيخ اذا يخزر
يحل ابخزرته اطلابه
هسه
اشما خزر متفيد
جنها الخزره جذابه!
راح اليصطر الديوان
وخله احجايه باليافوخ !
كلها اشيوخ
من جان السلف مبخوت
جان اتبين البوكه
جان الملح يحجي الصوت
ابد ما عاف اليضوكه!
مدري الحوبه راحت وين!
مدري اشمصخ الممصوخ!
كلها اشيوخ
ضاع الزين ويه الشين
صارو كلش اهوايه
تلكه ابكل فرع عشرين
شيخ وكلمن ابرايه!
كلهم عالفصل ماشين
وبهاي الاحكام ادووخ!
كلها اشيوخ
كلها اشيوخ
حسين االساعدي
مع احتراماتي لكل االشيوخ الكرام اهل البخت الموجدين بحق لانصاف الحق!
رد مع اقتباس
المشاركة الأصلية كتبت بواسطة سعد العراقي راقي*
