قصيدة (حيدر من وصلها)اداء :الحاج باسم الكربلا ئي
كلمات: الشاعر السيد عبد الخالق المحنه
ذكرى استشهاد السيدة زينب (عليها السلام)
2017 م -1438 هـ
المكان: حسينية الحاج داود العاشور
حيدر من وصلها *** ظل يباوع إلها
متغيره شكثر *** من ضيم اليسر
ما يعرف شكلها
لو شفتها تنصدم يا حيدره
مو نفس ذاك الشكل متغيره
محتمل سامع اميره ميسره
بس فلا سامع عساكر ضد مره
شيبت يم النهر بنتك تره
سمعت العباس گلها المعذره
طاحت عالشريعه *** يم چف الگطيعه
مكسورة گلب *** وبديرة غرب
زينب وين اهلها
@@@@@@@@@@@@@
حيدر من وصلها *** ظل يباوع إلها
متغيره شكثر *** من ضيم اليسر
ما يعرف شكلها
يالله مد چفك يحماي الحمه
هذي زينب يابو زينب قادمه
ليك اجت كعبة صبر متهدمه
يسلمك الله ما إجتك سالمه
لو شفت من المتن ينزل دمه
هذا من اجروحها المتزاحمه
چانت هاشميه *** رجعتلك سبيه
مو نفس الشكل *** واثار الحبل
من انتي سألها
@@@@@@@@@@@@@
حيدر من وصلها *** ظل يباوع إلها
متغيره شكثر *** من ضيم اليسر
ما يعرف شكلها
انتهى كتاب المصايب وانطوه
والمدامع والعتب ماتن سوه
يا علي زينب تره مضيعه ضوه
هيه تتنفس حزن لا مو هوه
يا علي لو گعدت ورادت دوه
گلها بو فاضل اجه وجايب لوه
خليها بچفنها *** لا ينظر متنها
وبوسط الگبر *** شيفيد العذر
من يتعذر إلها
@@@@@@@@@@@@
حيدر من وصلها *** ظل يباوع إلها
متغيره شكثر *** من ضيم اليسر
ما يعرف شكلها
يا علي مشيبه الرموش من الهضم
والحبل بچفوفها يحز العظم
ضعفت وچن خيط ببره وتنلظم
حره ما متعوده مره تنهضم
شحچي عن زينب يبو حسين وشضم
انطبعت اچفوف بوجهها من اللطم
ملك الموت اجاها *** بيا حاله لگاها
ميته من زمن *** ومحضره الچفن
واتأخر اجلها
@@@@@@@@@@@@
حيدر من وصلها *** ظل يباوع إلها
متغيره اشكثر *** من ضيم اليسر
ما يعرف شكلها
عدها سبع اخوه ولا واحد منهم حضر
خمسه منهم ذبحوهم عالنهر
واحد اعله الباب والثاني بصفر
يعني سبع امرار كسرات الظهر
من تغمض عينها اتشاهد صور
خيمه محروگه وشمر يگطع نحر
لا أخ لا ابنها *** موجود بدفنها
ما عدها امل *** والچف الحمل
مو چف الكفلها
@@@@@@@@@@@@@
حيدر من وصلها *** ظل يباوع إلها
متغيره شكثر *** من ضيم اليسر
ما يعرف شكلها
يا علي رادت لحدها يتسع
خلها ويه الزهره ساعة تجتمع
يلتقي كسر الخواطر والضلع
زينب وامها اكو عشرة دمع
يا علي من تستمع لا تستمع
الحچي ياذي ودليلك ينصدع
والصفعه والمها *** تشعر بيها امها
والشافت ذبح *** والراس برمح
يا دمعه ال تهلها
@@@@@@@@@@@@@@@@
حيدر من وصلها *** ظل يباوع إلها
متغيره شكثر *** من ضيم اليسر
ما يعرف شكلها
زينب حچايه حچتها بمستحه
سألت اخوتها وتريد مسامحه
انا ام ومهجتي متجرحه
رايده اعله اولادي اقره الفاتحه
اتعثرت بيهم انجوم امطرحه
واركضت لحسين احضر مذبحه
ما چني شفتهم *** مشغوله وعفتهم
لحسين الحزن *** لا موللإبن
زينب من مثلها
حيدر من وصلها *** ظل يباوع إلها
متغيره شكثر *** من ضيم اليسر
ما يعرف شكلها
للتحميل بصيغة mp3
من هناا
رد مع اقتباس