و ينه هارون و جنوده السامرية
خل يجي و ينظر شموخ الكاظمية
بيها اسرار .. ارض الاحرار
الكاظمية .. الكاظمية
ها يا هارون الملك وينه و مقامك ؟
لو رشيد انته فلا تسجن امامك
انته مغرور و تضن دايم نظامك
هسه ما واحد بقى يسمع كلامك
هذا قبة من الذهب شافتها عينك
هذا ابن جعفر سجينك و انته وينك
و السجن صار .. ارض الاحرار
الكاظمية .. الكاظمية
تأمر و تنهى چنت و الكل تهابك
ودع الأملاك و استقبل عذابك
حوبة المسجون خليها بحسابك
من كثر ذنبك بقى يكرهك ترابك
حتى اسمك محد يلفظه و يريده
ظل ابن جعفر ملك و الكل عبيده
و احنه زوار .. ارض الأحرار
الكاظمية .. الكاظمية
كلها تسأل وينه هارون و قصوره ؟
ما نفع ملكه و لا فاده غروره
و المُعذب بالسجن حي و نزوره
والله ما تنذل أبد نفس الغيورة
هالارض ترفض يمر جسمك عليها
يا مكان و يا حفيرة الـ انته بيها
ما إلك دار .. ارض الاحرار
الكاظمية .. الكاظمية
لو تجي و تشاهد انصاره الغيارة
بالملايين التجي تحيي الزيارة
الشيعي يتعنه مشي و يرفع شعاره
و الشعار الرافضي ما ننسى ثاره
هذي شيعة حيدره گد المهمة
يشد إعلينه يظل جسر الأئمة
عندك اخبار ارض الاحرار
الكاظمية .. الكاظمية
اشتريت الدنيا و المال بضميرك
الك ما توصل لوَن دامت لغيرك
يالخنت حامي الحمه نعرف مصيرك
من سعير النار گلي من يجيرك
لعنة الباري بقت تنزل عليكم
كل زمان ملطخة بالدم ايديكم
تبقى تذكار .. ارض الاحرار
الكاظمية .. الكاظمية
يا بني العباس يالـ حللتوا دمنه
كتبوا التاريخ من دمهم زلمنه
ما يهمنه الموت والله ما يهمنه
غصبن اعليكم يظل عالي علمنه
ما يهمنه الطاغية وكثرة جنوده
والله يا ويله الذي تجاوز حدوده
تبعث انذار .. ارض الاحرار
الكاظمية .. الكاظمية
كلمات : السيد عبد الخالق المحنه .
اداء : ملا باسم الكربلائي.
قرأت بحسينية أهالي الكاظمية / طهران - دولة أباد
رد مع اقتباس
رووعه...
