بالعصى طر البحر موسى و غرق فرعونه
كاظم الغيظ إبسجن لـكن هــلك هــارونه
ضالم و مظلوم .. و الظلم ميدوم
كل عصر بي طاغي يفرط بنتقامه
ينشر اجنود التســلط و الظـــلامة
مـعركـة بين المــذلـــة و الكـرامــة
و التصده للخطر جـاب الســلامــة
ما يضل طاغي العصر و اهل الشرف بالساحة
و الهتف لا للظلم حر و يموت براحة
يقبل المقسوم ... و الظلم ميدروم
من طغى فرعون و تجاوز حدوده
عاقبه الباري و غرق هوه و جنوده
و انخدع هارون بأملاكه و حشوده
ما حسب للكـــاظم و ثورة قيــوده
خل يجي يشوف الاسد وحده و خصومه إتهابه
و الملايين التجي تزوره و تبوس ترابه
هالأمر محسوم .. و الظلم ميدوم
بالعصى موسى النبي أبطل سحرهم
بالقيود ابن النبي صــال و دحرهم
حفرة ظلمة ارتفعت و خسفت قصرهم
هذا ابن جعفر بقى و ضيع ذكرهم
ها يهارون الملك وينه و غرورك وينه
مو رشيد الما ربح من دنيته ومن دينه
لا حكم هاليوم .. و الظلم ميدوم
ما تعيش اعلى الهضم نفس الأبية
و السلاسل ما تذل راعي الحميه
خل يجي الناصب يشوف الكاظمية
و النصر يبقى حليف الجعفرية
من يعاندنه الزمن و اهل الظلم تتمادى
يا علي يا ابا الحسن صوت الضماير نادى
صرخة المحروم .. و الظلم ميدوم
من تشوف اهمومك تكاثر حملها
خلها مصيونه النفس بالك تذلها
اگصد الدار اللذي فاز الوصلها
و الحوائج تنطلب بس إمن اهلها
لا تمد چفك ابد ماي الوجه تحتاجه
اگصد لدار الكرم و نده يا باب الحاجه
ما تظل مهموم .. و الظلم ميدوم
كل موالي بحضرته يكثر نحيبه
ما يطفيها الدمع نار المصيبة
عالجسر نعشه و بقى ينحب طبيبه
هالغريب جنازته ظلت غريبة
يالغيور اجنازته فوگ الجسر خلوها
يالله يا شيعة علي نادوا علي و شيعوها
صيحوا يا مسموم .. و الظلم ميدوم
يالروافض و الدمع خله إيتجاره
عالسجين الما عرفه ليله و نهاره
صيحوا راعي الثار يمتى يبدي ثاره
بلكي مهدينا يجي و يشهر فقاره
لو شهر سيفه و اجه يبدأ قصاص الظالم
والله ما تصفى أبد إلا بضهور القائم
وصلتنه اعلوم .. و الظلم ميدوم
للشاعر : عبد الخالق المحنه .
اداء : باسم الكربلائي .
رد مع اقتباس
المشاركة الأصلية كتبت بواسطة $شمعة ذي قار$
