المقادير :


5 x عدد روزمارى (عود طازج أو مجفف)
5 x عدد زعتر (عود طازج أو مجفف)
5 x عدد عيدان كرفس
4 x عدد فص ثوم
2 x معلقة صغيرة روزمارى (مجفف مطحون)
2 x عدد ورق لورا
2 x معلقة صغيرة فلفل اسود مطحون (أو حسب الرغبة)
2 x معلقة صغيرة قشر برتقال
2 x معلقة كبيرة زيت ذرة
2 x عدد بصلة (واحدة مبشورة والتانية مقطعة 4 قطع)
2 x معلقة صغيرة ملح (أو حسب الرغبة)
1 x عدد بطة (متوسطة الحجم)
1 x معلقة كبيرة صلصة طماطم
1 x كوب أوراق الكرفس
1 x معلقة كبيرة عسل نحل
1 x عدد رأس كرات (مقطعة)
1 x عدد حباية جزر (مقطعة قطع متوسطة)
1 x معلقة صغيرة حبهان
1 x عدد برتقال (مقطعة شرائح بالقشر)

مقادير صوص ديمى جلاس بالبرتقال :

1 x كيس ديمى جلاس
2 x كوب عصير برتقال
¼ x كوب ماء
½ x كوب كريمة لبّاني
2 x معلقة كبيرة زبدة
1 x عدد بصلة (مفرومة)
½ x معلقة صغيرة حبيبات فلفل أسود كاملة
1 x معلقة صغيرة ملح (أو حسب الرغبة)

الخطوات :


قبل أى حاجة مهم جدا تنظيف البطة جبدا ودعكها بالليمون والخل والدقيق لحد ما الزفارة تروح ونزع أى بواقى شعر فى الجلد.
هنسخن ماء على النار فى حلة كبيرة (هنملى ثلاث ارباع الحلة بالماء).
فى بولة هنخلط معلقة من الروز مارى المجفف مع قشر البرتقال وبصلة مبشورة وفصين ثوم المبشورين وورق الكرفس وهنضيف للخلطة عود روز مارى وعود زعتر.
هنحشى البطة بالخلطة السابقة ونقفل على الحشو بشريحتين أو ثلاثة من شرائح البرتقال.
هنضيف لماء السلق الملح ومعلقة ونصف فلفل اسود وبعدين هنضيف جزرة مفطعة وبصلة مقطعة وفصين ثوم صحاح ومعلقة روز مارى ومعلقة زعتر وورق اللورا والحبهان و 2 عود روزمارى و 2 عود زعتر و3 عيدان كرفس وراس الكرات
هنضيف البطة للحلة بس نراعى انها تنزل الحلة برأسها علشان الحشو يفضل جواها وتترك على النار حوالى 20 دقيقة أو لحد ما تستوى.
علشان نعرف ان البطة استوت ممكن نغرس فيها سكين ولو مر بسهولة تبقى استوت.
هنرفع البطة من الشوربة ونحطها على فوط مطبخ تنزل ميتها حوالى 5 دقائق وطبعا احنا كده عملنا شوربة لذيذة ممكن نقدمها مع البط.
فى صينية كبيرة هنفرش أرضية الصينية بباقى أعواد الروزمارى والزعتر والكرفس وممكن نزود فى الفرش زى ما احنا عايزين وهنضيف ربع كوب ماء وهنحط البطة فوق الفرش.
هنرش على البطة نصف معلقة فلفل اسود وندهنها بالزيت والصلصة وعسل النحل.
هندخل الصينية الفرن على درجة حرارة 180 لمدة 10 دقائق لحد ما تحمر وكده البطة خلصت.


هنعمل صوص البرتقال :

فى بولة كبيرة هنضرب عصير البرتقال مع الديمى جلاس وربع كوب ماء كويس جدا
فى حلة على النار هنسيح الزبدة ونقلب فيها البصل والفلفل لحد ما البصل يتحول لللون الذهبى الفاتح
هنضيف خليط البرتقال والديمى جلاس ونقلب كويس, وبعدين نضيف الملح ونفلب تانى ونسيبه لحد ما يغلى.
لو الصوص تقل أوى ممكن نزود شوية ماء ونسيبه يغلى مرة كمان وبعدين نضيف الكريمة اللبانى
بعد دقيقتين هنرفع الصوص من على النار وبكده يبقى جاهز للإستخدام .
هننقل البطة فى طبق التقديم ونضيف عليها الصوص ونزينها بقطع البرتقال الفيليه .

و بالهنا و الشفا