بسم الله الرحمن الرحيم
المقادير
- 5 x عدد سجق شرقى (صوابع صغيرة)
- 2 x عدد بيضة
- 1 x عدد طماطم (حجم صغير)
- 1 x عدد بصلة (حجم صغير)
- 1 x عدد فلفل أخضر حلو (حجم صغير)
- ¼ x كوب لبن كامل الدسم
مقادير خبز التورتيللا المكسيكى
- 3 x معلقة كبيرة زيت زيتون
- 2 x كوب دقيق
- ¾ x كوب ماء (دافى)
- ½ x معلقة صغيرة ملح
الخطوات
- نعمل خبز التورتيلا
- فى بولة كبيرة هنضيف الدقيق والملح وزيت الزيتون.
- هنضيف الماء شوية شوية ونعجن الخليط لحد ما يتماسك (مش شرط نستخدم كل كمية الماء).
- هنقسم العجين لكور صغيرة الحجم ونحطها فى طبق ونغطيها بفوطة مبلولة ونسيبها من 5 ل 10 دقائق.
- هندهن رخامة المطبخ أو صينية كبيرة بالزيت ونفرد عليها كور العجين كويس جدا لحد ما يبقى سمكها رقيق جدا وشكلها دائرى.
- فى طاسة مسطحة كبيرة على نار متوسطة هنسوى العجين المفرود لمدة دقيقة على كل وجه ..
- هنحمر السجق في طاسة مدهونة زيت لحد ما يستوي
- هنضرب البيضتين في الوعاء بالشوكة جيدا
- نضيف عليهم اللبن و نقلبهم جيدا
- نقطع البصل و الفلفل الأخضر و الطماطم و السجق لقطع صغيرة
- في الوعاء هنضيف البصل و الفلفل الأخضر و السجق و نسيب الطماطم برة
- نحط الوعاء في الميكروويف من 3 الى 5 دقايق و نقدر نعرف انه استوى لما نلاقي الوش بيعلى لفوق
- نضيف البيض على خبز التورتيلا و عليهم الطماطم و نلف الخبز عليهم. بالهنا و الشفا
و بالهنا و الشفا
رد مع اقتباس