شافته مدد بچفوفه القيود
للمدينة اجانزته هم ما تعود
مثل عمه القطعوا منه الزنود
ع الفرات و هامته هشموها
ع الفرات و هامته هشموها
يبني يالكاظم تناديه بألم
حسين جدك صدره بالخيم انهشم
بالخيم زينب و حرگوها الخيم
حرم و اطفال العدة سلبوها
حرم و اطفال العدة سلبوها
يبني مصابك عليه ما يهون
خلصت عمرك يايمه بالسجون
عمتك من عگب حماي الضعون
عالهزل متيسره مشوها
عالهزل متيسره مشوها
على عيالك ما جرى حكم اليسر
بضعن عمتك يحدي يالكاظم زجر
مجلس الشمات يصعب هالأمر
وگفت و كل العدى ينظروها
ؤگفت و كل العدى ينظروها
راح ارد عنك بحسرة للبقيع
و امر بحسين العلى صدره الرضيع
عالي قبرك مو مثل قبر اليضيع
و جثتك بالخيل ما داسوها
و جثتك بالخيل ما داسوها
گوم محد غيرك بهاي الوتر
اسأل اعلى الباب ياهو اللي جِسر
انشد امك يا ضلع منها انكسر
من غصب حگها و شگ اكتابها
من غصب حگها و شگ اكتابها
باب كلها اجذوع و ثجيلة وزن
لو هوت ع الگاع ترجمها رجم
طبگت اعلى ام الحسن طبگ الجفن
و گام يعصرها الزنيم بحيله
و گام يعصرها الزنيم بحيله
يبني الكاظم
سيد مرتضى الصافي
قرأت بحسينية باب الحوائج / دولة الكويت ١٤٣٧ هـ
رد مع اقتباس
المشاركة الأصلية كتبت بواسطة اميرة بلا قصر
