سولف يا گلب بسك حچي البسكوت ..
سمعني احس سكتاتك اطويله ..
تعبني الصبر شترجه عود يصير ..
وشحصل بدر من هم شناشيله ..
صح لوله الصبر ما طاب جرح ايوب ..
بس صبر النبي من يگدر يشيله ..
صعبه الچان ضلك هسه يتعداك ..
وچبيرة اليشتكيلك هسة تشكيله ..
وذله اليشتهي ترابك يدوس أعليك ..
وهظيمه المايجيلك انته تمشيله ..
يا صبر الشمس يسحگ عليهه الليل ..
وتموت العصر والفجر تحييله ..
ما تنشف الگصته من العرگ نهران ..
وما توگع النگطه شما تهفيله ..
ثكيله النگطه من توگع ولا تنشال ..
بس ممكن جبل من يوگع أتشيله ..
سولف ياگلب منك صبر ماريد ..
سهران الخلگ خل يسمع احچيله ..
اريدن شهر زادك ما تضوگ النوم ..
وليله تصير اريدن من الف ليله ..
ليش اللي تحبه يصير الك دفان ..
ينبش من وراك وانته تبنيله ..
رد مع اقتباس
المشاركة الأصلية كتبت بواسطة ❀мᾄłᾄќ❀
