من الصبر مليت والصبر ملني
ماأگدر بلياك يمك دخلني
من الصبر مليت والصبر ملني
ماأگدر بلياك يمك دخلني
الگمر من وجناك شع وتنور
وحته الورد والياس منك تعطر
أسأل عليك الناس وين انته غايب
الگلب من فرگاك شاف المصايب
أتمنه اصيرن طيف بالليل اجيكم
حته ابقه طول الليل حارس عليكم
كلما يمر الليل والنجم يظهر
أذكرك واشتاگـ واتمنه تحظر
روحي اويه روحك دوم شذرة اويه محبس
مصيوغه الك مخصوص الچفك وبس
بالجنة من طبيت الحور اجني
صحت آنه اريد اهواي شلي بهذني
عطشان اظل عطشان واروه اعله شوفك
بطرانه هاي الناس يردوني اعوفك
أهلا وسهلا بيك واكثر بشوفك
ولتفكر آنه بيوم أگدر أعوفك
أهلا وسهلا بيك واكثر بملگاك
والگعده تحله اهواي من نگعد اوياك