هنا

[عامر رشيد]

حچـوا عنــي ..
حچوا عني اعله كبر الگاع ..
گالوا .. ضاع ..
گالوا .. من ثلج .. لاحه السموم وماع ..

[عامر رشيد]

مو طبعك هذاك وموش ذاك إنته
اذا تسكت گبل بالسكته نقره وجوه
هسه أبلا ملامح عندك السكته

[عامر رشيد]

تقابلني بصمت بي تنشده خرسان
بوكت گلبي اعله بابك كسّرت صمته
أسمع حس نعاوي..شلون ضحكه تريد؟
هم سامع بواچي وآه بالنكته؟

[عامر رشيد]

امغيّم من شهر بس مو دليل امطار
ابشرك من تغيّم تذبل النبته
المريض امسده يمك يا طبيب الناس
مجرد بس تباوع تنعرف علته

[عامر رشيد]

بأشعه تريد تفهم شنهو حال الجام
طبع الجام واضح ليش ظللته
جهاز الصفنه عاطل لا تجرّب بيه
من وجه القصيده افتهم سالفته

[عامر رشيد]

رادك بالدرب ومضه ورفيج وعين
مو توگف صنم گدام قافلته
اجاك بلا ذنوب وجنّه تحت الايد
ليش اذنوب كافر تالي حملته

[عامر رشيد]

ما نجزم ظلمته أيجوز بيها اشكال
لكن عل الاقل ينگال ورطته
طفل وانطيته لعبه وگتله باچر عيد
اذا مو عيد باچر يعني قشمرته

[عامر رشيد]

جمالچ اخذ عقلي واني مــــــــــــحتار
واحس گلبي رجف من شاهد الصــوره
بلهفه وشوگ عاشگ احضــــــن النقال
شفافي اتبوس خدچ حقهه معــــذوره

[عامر رشيد]

احبچ مو بديه وصرت مغرم بيـــــــــــچ
احس روحي ابمحبتچ صفت مسـحوره
احسبهه الدقايق تعبر أســـــــــــــنين
بغيابچ اني اگول اتهون مگــــــــــدوره

[عامر رشيد]

يمر صوتچ واسمعه وافرح ابمــــــلكاچ
كلماتچ اكيد ابگلبي محفــــــــــــــوره
عندچ گلب راقي وكلشي بيچ اعجــاز
وصف واحد يوصفچ فقط اسطـــــــــوره