ابچي بتوالي الليل بس ابچي يهواي
والصخر لو له اعيون چا دمع اوياي
ابچي بتوالي الليل بس ابچي يهواي
والصخر لو له اعيون چا دمع اوياي
امعسره عيني اسنين ماشافت افراح
من عدهه موش ادموع كومة بشر طاح
لو تدري بيه أشصار من عگب الفراگ
گمت انه افز بالليل ولموتي اشتاگ
مـــــــاي بلا عطش مــــــاينحسب مـــــــاي ..
ويحله هــــواي يحله شمــا عطشتــه ..
ألگــــــــــــه مــــنين مثلك يشبه المــــــــاي ..
واجــــيبه مــــنين بالله اليحچــي سكته ..
تعــــــــال وخل أكحل عين الأيــــــــــــــــام ..
وأرد أعلــــــــــه الكحل وامسح كحلتـه ..
تعــــــــال وخل أحطن للشمس لـــــــــــــون ..
وأرجــــــــــع للگـــــــمر منك ثلمتـــه ..
تسـودن گلبي مــــــــــــــــايعقل بليــــــــاك ..
ودكتـــــــــــــه تغيرت موذيـــچه دگته ..
فطمتـــــه اتورطت مـــــــــــــايصبر أعليك ..
عليك اتندمت لمـــــــــــــن فطمتـــــــه ..
مـــــــــن طولك خذت مـــــــــايكفي العيون ..
هســـــــــه أتريد تعتب عـــــالأخذته ..
إعتب عـــــــالذهب والفضه والمــــــــــاس ..
واليــــــــــــاقوت أخــــــذ منك لمعتـــه ..
چـــــي مشتـــــــــــــاگلك سمونـــي مجنون ..
والمجنون اعقـــــــل مني شفتــــــــــــه ..
أبوسن بالهوه ال مـن بيتكــم جــــــــــــــــاي ..
ولــــــــــو ينشبك صــدگ چــــــــا شبكته ..
أصفن عــــــــــالبحر من يصفن أرتـــــاح ..
يمكـــــــن چــي لأن تشبــــه صفنتـــــه ..
ماگــــلك أحــــبن هــــــذا لـــــــــــــو ذاك ..
أحــب غيرك نعــم بــس صدگ انتــــــــــه ..
على الحب العفة لـــــــــــو مــــــاأراضيك ..
ويعـــــــذرني الفــــــرح شلي بضحكته ..
مـــــــــو كلمن يصفگ يعني مرتـــــــــاح ..
أكــــــــو بنص الحزن تسمع صفگتـــــــه ..