هنا

[عامر رشيد]

يم خشبة الدفان متعجب بهاي
أني 12 دفان وعيوني لهواي

[عامر رشيد]

راح أگــــــــــــــــول انته تحبني

وادري بيك ويـه الكره رابي سوه

وادري بيك اتريد مـــــــــــــــوتي

بس اگولن فدوه لعيون الهــــــوه

[عامر رشيد]

صح چبير آنه يصاحب بــــــالعمر

وصح عداني الريل مايرضه يطر

ولانطاني حچايه لا گلي عـــــــذر

بس بقيت آنــه عله الذكرى انتظر

[عامر رشيد]

شنتظر والراح مـــــــــــايقبل يرد

ولو يرد هيهات يمكن مــــــــايود

ولو يرد بـــاحضان غيري ونسعد

والوكت ياناس باطباعـــــــه الغدر

[عامر رشيد]

شنتظر والشيب بــــــالراس انتشر

والعشگ والذكرى بالماضي انطمر

وآنه صافن بس اباوع عالگمــــــر

واكتمل ياناس لـــــــــو بعده البدر

[عامر رشيد]

شنتظر والگمر .. لاگيلـه نجمــــــــــه

وآنه عيني من الدمع مو راح تعمه

هم يحبني لو يظل بحشاي سهمــه

وآنه رايد كلمه منــــــــــه بلا عذر

صح چبير آنه يصاحب بــــــالعمــر

[عامر رشيد]

بعد مابيه أصبر لا وحگ عيناك
تعال أرجع أليه وطيب أجروحي
أحبك ياحبيبي وصعب مال أنساك
ياقطعه من گلبي وأغله من روحي

[عامر رشيد]

هلي أوياهم چنت عايش ... بلاهم
ونهاري شما ضوه مظلم ... بلاهم
هلي مدري الوكت شنهو ... بلاهم
ولاهم اعرفوا بالصار بيه

[عامر رشيد]

انه بكاروك حبك وانته ... هزني
صرت فرصه بحياتك ... وانتهزني
انه شجرة محبتك وانته ... هزني
وخلي الورد يتناثر عليه

[عدنان الواثق]

انه بكاروك حبك وانته ... هزني
صرت فرصه بحياتك ... وانتهزني
انه شجرة محبتك وانته ... هزني
وخلي الورد يتناثر عليه

الله ياعامر روعه استمر خلينه نتذوق