تتصور نسيتك واهملت وعدك
أحلف مالي كل ولف من بعدك
ساكن بالگلب ياسلوتي وحدك
وعالفرگه وحگ عيناك ما أگدر
تتصور نسيتك واهملت وعدك
أحلف مالي كل ولف من بعدك
ساكن بالگلب ياسلوتي وحدك
وعالفرگه وحگ عيناك ما أگدر
روحي اللي تحبك لاتمرمرهه
والتوبه يولفي أن چان أكررهه
أقدملك ألساعه وبيدك أكسرهه
هي ألبلوعد خلتني أتأخر
أعزم كل طرفنه أكباره وأزغاره
من تحچي وتطفي أمن ألگلب ناره
يا اهل ألهوى سوولي فد چاره
جرحتني أبرمشهه وماتداويني
جرحتني أبرمشهه وبالدوه تتبخل
وأتوسط أجيت وبيكم أتوسل
كل ماردت أگلهه أستحي وأخجل
ولوني ينخطف كلما تلاگيني
لوني ينخطف بعيونهه الشهله
أحله أمن ألگمر ومن ألشمس أحله
وجروح ألعشگ يحباب مو سهله
عشر أشموع أنذر من تشافيني
عشر أشموع أعلگهن نذر يخوان
بس تحچي وتگلي أشبيك ياولهان
أتحسر وأگلهه عاشگ وعطشان
من خمر ألشفايف ريت ترويني
من خمر الشفايف يرتوي المجبور
أسگيني دخيلچ يم صدر بلور
قيس أبن ألملوح بالعشگ مشهور
وأنه أشهر صرت والعشگ سابيني
أني اللي صرت لهل ألعشگ رايه
وبدموعي جفاني ألهوى أمحنايه
فد چلمه ردت تحچين ويايه
وعن حالي يحبابه تسأليني
عن حالي أسأليني ولو نوبه
مو گلبي خلص منچ يمحبوبه
العاشگ لو تعذب هم أله حوبه
عذبيني سنه وفد يوم هنيني
عذبيني بعد أستاهل ألتعذيب
بس ماريد وجهچ يبتعد ويغيب
چلمه أمن ألشفايف كل جروحي أطيب
هذا مطلبي وكافي تعذبيني