أجلبنك يليلي ودوم أجلبنك
وتدري أشكثر ظيم أتحملت منك
أهواي أهل ألمحبه سولفوا عنك
وگالوا دوم يفترن دواليبه
أجلبنك يليلي ودوم أجلبنك
وتدري أشكثر ظيم أتحملت منك
أهواي أهل ألمحبه سولفوا عنك
وگالوا دوم يفترن دواليبه
أجلبنك يليلي وحاير أبربعي
كل واحد المنهم مصلحي ونفعي
اشلون اترك العشره والوفه طبعي
والمعشر تلفني أبكل تجاريبه
اليسمعني أغني أيگول متهني گلبه
وأني أبعذاب وظيم وي ألأحبه
يالعافك ألمحبوب ليش المناحه
عوف ألغرام وتوب وأخذ أستراحه
يالتنشد أعله ألشوگ حاير شگلك
بوصاله دوم أتنوح بالصد يسلك
شو بس علي دنياي تمطر مصايب
والدهر بس وياي شد الحرايب
يعيوني شبعن نوح شبعن بواچي
ماچنت أضيع أهواي لو حظي لاچي
الدهر بس وياي كل وكته شاطر
ومن عادة ألأحباب كسر الخواطر
أبشعره ألگلب مشدود والهم يلوعه
والحسره عالخلان ساعه وتگطعه
بحر الحزن يحباب من گلبي ينبع
وحته أبلذيذ النوم أعيوني تدمع