يبويه من زغر عالجمر // سراي
كتوم ومابحت لليوم // سراي
ما اذكر زماني يوم // سراي
وجلد ماتمضي كل اسهامه بيه
يبويه من زغر عالجمر // سراي
كتوم ومابحت لليوم // سراي
ما اذكر زماني يوم // سراي
وجلد ماتمضي كل اسهامه بيه
يبني لاتضيع المرد // لوصاح
وصديجك لاتعوفه ابضيج // لوصاح
فكر بالوشايه چذب // لوصاح
وصافح لو شفت زله ورديه
ضحكه العمر يابويه // وعبره
وخذت منك الف حكمه // وعبره
للطيب انه زندي // وعبره
ولجل الحگ ادوس اعله المنيه
رماد الود على افراكه .. ولعناه
وكلبنه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه ؟؟
مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه
كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه
متى منياي يحبابي .. سنلها
ويوم البالجفه روحي .. سنلها
دويت ونار فركاكم .. سنلها
وحركت الفزعوا ايطفون بيه
بعتلج كلبي وانطيتج ,,,وصل بيه
وعذاب لاخر الدنيا ,,,وصل بيه
دخليه على الجمر بيدج,,, وصلبيه
ولا مكسور خاطر يعود الية
تدير العين عني من... تمرلي
وعذابك عسل طعمه من... تمرلي
اذاكلبي يزعلك من... تأمرلي
اكص كلبي ولا زعلك علية
غريب الروح يستانس بالامـــاه
وببحور الحزن غركَـت بلامـــــاه
مثل غربة طفل عايش بلا مــاه
وحيد وبس ونيني يمر عليـّه