أشوكت ينصف زماني أوياي ،،، ويطيب
ويابلسم يشافي الهظم ،،، ويطيب
جرح ألأيد ينزف شهر ،،، ويطيب
لچن جرح اللسان أوي المنيه
أشوكت ينصف زماني أوياي ،،، ويطيب
ويابلسم يشافي الهظم ،،، ويطيب
جرح ألأيد ينزف شهر ،،، ويطيب
لچن جرح اللسان أوي المنيه
من الوادم شفت أرناگ ،،، وشكال
وما واحد الگال أشلبس ،،، وشكال
ألساني أمن المعاتب فحط ،،،وشكال
خويت ومالگيت البيه حميه
زماني للسجن جرني ،،، وتاني
وكل أمواجهه أنطر ،،، وتاني
ولا واحد تفگدني ،،، وتاني
نسوني وضيعوا كل عرف بيه
ظيم الدهر حز أيدي ،،، وجدماي
أو وراي أبواب مقفوله ،،، وجدماي
أن چان الظعن بالصبخه ،،، وجدماي
أبربعي ولا وجدت البيه حميه
سراب وناظري أعله الوهم ،،، رباه
وحظي الدهر عالشوغات ،،، رباه
اليشل حاله ويشوفه الظيم ،،، رباه
چذب يلگه السعاده أمن البريه
زماني أيدوف من دمعي ،،، حنالي
ولا واحد أمن أسهامه ،،، حنالي
أبچثير المال ألف صاحب ،،، حنالي
وبيام العسر شحوا عليه
الدهر چم روح بنيابه ،،، ولاهان
وعيش الهظم والذله ،،، ولاهان
غني النفس دوم أبعز ،،، ولاهان
وغني المال مذلول السجيه
دع ألأيام تفعل ماتشاء
وطب نفسآ أذا حكم القضاء
ولاتجزع لحادثة الليالي
فما للحادثات لها بقاء
وكن صلبآ على البلوى صبورآ
وشيمتك السماحه والوفاء
ولاترجو السماحه من لئيم
فما في النار للضمئان ماء
صلب ولغير ربي ،،، ماترجه
وجبل عزمي الليالي ،،، ماترجه
السماحه أمن اللأمه ،،، ماترجه
وما بالنار لليعطش أميه
يبويه احفظ ابگلبك دوم //سرك
ولاتامن ابدهرك لون // سرك
الدهر لو يوم فوگ الورد // سرك
تلبدلك اسهامه ابكل نويه