حرت وين أشرد أمن الدهر ،،، ويلين
وعله أشفافي انه الياويل ،،، ويلين
يخضع كل قوي للزمن ،،، ويلين
الفخر لبنادم المابيه أذيه
حرت وين أشرد أمن الدهر ،،، ويلين
وعله أشفافي انه الياويل ،،، ويلين
يخضع كل قوي للزمن ،،، ويلين
الفخر لبنادم المابيه أذيه
بعد ياگلب شگ الگلب ،،، عرضه
دواليبك أبدربي دوم ،،، عرضه
النشمي اليحفظ أمن الناس ،،، عرضه
كل ثوب اليلبسه أيلوگ زيه
أبچف الدهر دمعتنه ،،، نصبهه
هينه أعليك أشراگة ،،، نصبهه
علينه أگلوب ماترحم ،،، نصبهه
وفگد الفرج والرحمه سويه
يگلبي لو لگيت الشهم ،،، مجده
ندر واللي يصون العهد ،،، مجده
أشيفيد المال للي فگد ،،، مجده
المجد هو الشرف واألأريحيه
أحب حسنك وأحب عطفك ،،، خصلتين
وردت من شعرك الزاهي ،،، خصلتين
أبنادم لو كبر تكبر ،،، خصلتين
البخل والمال يجمعهن سويه
يحادي أظعونهم للدار ،،، ودنه
أشما بعدوا يحادي يزيد ،،، ودنه
وحگ الطيب وأهل الطيب ،،، ودنه
تظل للموت وياهم خويه
أمن زياجي الدهر لليوم ،،، ماهاد
ومثل هدته عليه أبد ،،، ماهاد
عله أيام الشباب النوح ،،، ماهاد
وأذوب أمن أذكر أيامي الزهيه
نهران الدمع عالوجن ،،، تجري
خساره ولا نفع بالطيب ،،، تجري
المصايب لو عله كل بشر ،،، تجري
فلا بطران يوم أيلوم بيه
صديقي من يرد الشر عني
ويرمي بالعداوه من رماني
ويذكرني لو غبت عنه
ويعينني على غدر الزماني
أريد أگطع طريج الشوگ ،،، عناي
وأسولف للوفي أمن الناس ،،، عناي
صديجي أللي يرد الظيم ،،، عناي
ويوم الضيج يصبح درع أليه