من اذكرك ...
اشمر الصفنه وراي
واشرب النسمه ترافه , وبيه يطفه المحترگ
ومن اشوفك
اترس الوادم سوالف ...
بس سوالف مال واحد , واصل السابع عشگ
من اذكرك ...
اشمر الصفنه وراي
واشرب النسمه ترافه , وبيه يطفه المحترگ
ومن اشوفك
اترس الوادم سوالف ...
بس سوالف مال واحد , واصل السابع عشگ
ريحة ليل تندهني وأسولف بيك ..
وأتوسد حلم ملگاك وأغفه بحسبة متانيك ..
وأفز محتام لشلونك ..
تهت والعافيه عيونك ..
أفز محتام والگة الشوگ
ريحة ليل تتوضة بنبع طاريك ..
أفز محتام وألگة رويحتي تناغيك ..
أشوف صباي حسرة ليش مو يمك
تهزني الروح حسرة ليش ماشمك
يفي عمري .. وملاذي وشوغتي وستري ..
خذتني الناس واهس وانت ماتدري
خذتني الناس سلوة وانثلم عمري
خذوني هواي منك سالفه وعبره وبواچي فياي
وانته موالف اويه الليل لبصدري ..
تهت والعافية عيونك ..
نزف جرحي بسب هجرك ،،، ترده
نحيل وحالي من بعدك ،،،، تردة
دخيلك يالخذت عگلي ،،،، ترده
أصبحت مجنون من هجرك عليه
صـــوتـك بية ظل وانت مـا ظليت
كــول انـي نسيتك صوتك اشلون
اعمي اعيوني كـون ابيوم الافراگ
ولا غيري ابمكاني اتشوف العيون
طبعي گهوه شما تعظني النار حيل
اكسب من النار محمود الصفات
الماي من يرگد فسد ما اشتهيه
ومن خباط الماي اطلع الصافيات
أخاف احچي وتفز ألروح
وأخاف أسكت وأضل مجروح
خايف من تصد العين
أعاين ع الگلب مذبوح
ماريدك حلم باليل
واشوفنه الصبح ممسوح
ماأريدك عشگ يومين
ثالث يوم عني تروح
ماريدك تگلي اهواك
اريد نصير روح بروح
حبيتك صدگ حدما صرت مجنون
وصارت شوفتك بالگلب عـــــازه
كزازه انته واحطك بين العــــيون
ويا عين التغمض عالــگـــــــزازه
تلف شوف النواظر هاي … ويهاي
وبس خيط البقه بالعقل … ويهاي
تره فراگك لعب برسوم … ويهاي
اليلاگيني يضيع العرف بيه ...
يا ظالم لا تهيج الروح ،،، خلهه
عساهه تموت بعد فراگ ،،، خلهه
لزم ايدي الطبيب وصحت ،،، خلهه
المرض بالگلب چا شلك بديه
لنا التاريخ شاهد ... والنا ثايه
وحچي الخنث نعرفه ... والنثايه
ترى الحالوب ايه ... والنث ايه
والمقصود عد رب البريه