هنا

[عامر رشيد]

شگالولك عليه وصار وجهك سيف
وتعرفني التكتلك والحچي أمصدگه
شجره ومو بديه وتدري وكتك ريح
وتحملني ذنب من طيحت ورگه

[عامر رشيد]

خلگ ساتر ولك سويت خلگي أوياك
شگد موت وجثث ماضيجت خلگه
مو من صالحك عالجرف تزرع عود
ماتدري اعله ساعه يفيض ويغرگه

[عامر رشيد]

ومن شفت الخناجر خذت دور السيف
گلت ياروح صيري بهالوكت درگه
وتسالني تگلي شسوه وكتك بيك
شسولفلك شگلك تكتل الحرگه

[عامر رشيد]

ذبني ابير بيده وگال اكلني الذيب
ورسم للذيب صوره وجثتي بحلگه
وطفاني وعالجمر بچفوفه رش الماي
ورد ينفخ رماد ويا جمر يلگه

[عامر رشيد]

ما يدري الوكت لو عكس هدة خيل
اللي يطيح بدربهه أجدامهه أتسحگه
وذبحني مناطرك غيم ومطرهه أيطيح
گظت شوغات روحي اللهفة الملگه

[عامر رشيد]

مثل فزة أمفارگ من تجيني بطيف
اشبكنك وافز وكلشي ما ألگه
مو ذنبي تره لبعض البشر مالوگ
لان طبعي صريح وراسي مادنگه
اللؤلؤ باللضم كلش جميل يصير
بس هوه الحچي عالرگبه التعلگه

[عامر رشيد]

صباح الحب حبيبي بخير اصحيك
وصباح الياسمين أيكحل أعيونك
أدموع عيوني تنزل تنشد اعليك
وگلبي يصيح بسمك يسأل أشلونك

[عامر رشيد]

ماگلك احبك لو همت بيك
حيل هواي احبك صرت مجنونك
اذا رايد تحبني بگلبي اخليك
وبين أضلوعي اضمك لا يشوفونك

[عامر رشيد]

لازم من اشوفك وارد احاچيك
اغمض أعيوني خاطر لا يحسدونك
يا صورة غزل بأجمل معانيك
وعنوان القصايد هوه مضمونك

[عامر رشيد]

ووزان الشعر ترسم قوافيك
أشما اكتب خواطر ما يوصفونك
ما اكتب غزل يجبرني طاريك
انواع الغزل اكتبهه لعيونك
حبيبي وصاحبي وخلي ارد اسميك
هواي انته وأبد ما عيش من دونك