للدوم اسولف بيك يارفعة الراس
الدنيه كلهه بخير لو مثلك الناس
للدوم اسولف بيك يارفعة الراس
الدنيه كلهه بخير لو مثلك الناس
شگ عيني واشرب ماي واترس اچفوفك
بس وحده خلهه ارجوك بيهه ارد اشوفك
بالعتبة شفت أدموع من طول أجفاك
ثاريهه حته الباب تبچي اعله فرگاك
انشد عليه اعداي لاتنشد اصحاب
مابعت خوه بيوم لا گلبي سد باب
اوف والف ياويل منچ يدنياي
بيچ العزيز أيطيح والتصعد أعداي
شمالك يبعد الروح جف حبرك أوياي
منك ردت بس بيت لاتكتب هواي
الدمعه سم ونار والحسره تيزاب
ومن فرگتك يهواي حته الگلب ذاب
بعدك يبعد الروح سوده الليالي
ما ادري ابچي أعليك مدري أعله حالي
صايم صرت بجفاك والماي اعوفه
والگلب حيل ايصيح ياريت اشوفه
عوف الزعل هاليوم عوف الطلايب
وخل نگعد انه أوياك مثل الحبايب