روحي سفينة شوگـ وانته هواهه
ولو فكرت تنساك تغرگـ عساهه
روحي سفينة شوگـ وانته هواهه
ولو فكرت تنساك تغرگـ عساهه
الگلب تالي الليل فز فرد فزه
لو للحبيب اتروح لو نحري احزه
أعذرني نص الليل لتضن زعجتك
تعرف بأني أهواك وتعرف معزتك
بالدمع غرگانات ظلن يالعيون
الفارگـ الخلان يتبسم اشلون
هنيالك انته اتنام ليلك بلا هموم
صدگني من فرگاك من نومي محروم
شوف شكثر ولهان وتعبان بالي
بس إلك روحي اتهيد والله يغالي
هاك الگلب يفلان أخذه برساله
گعدني نص الليل يشكيلي حاله
لو تدري بيه شصار من غبت عني
مثل اليهيم بليل وبراسه جني
إحنه بجسد روحين والدم فرد دم
والگلب واحد صار بالفرح والهم
مرهم دواهه الروح وانته الهه مرهم
ماأرهم بلياك گلي انته ترهم ؟