اجلبنك يليلي وبالگلب الام
والمالوم گلبه أشلون عينه أتنام
اشوف الليل طال وبالمظالم دام
ولك وين الفجر شو طول مغيبه
اجلبنك يليلي وبالگلب الام
والمالوم گلبه أشلون عينه أتنام
اشوف الليل طال وبالمظالم دام
ولك وين الفجر شو طول مغيبه
أجلبنك يليلي حاير بأمري
حته ويه اللي احبه ضيعت فكري
اشوف أمحبته تطلع مثل دهري
علي بالعكس تفتر كل دواليبه
اجلبنك يليلي والعگل مخلوط
انظم شعر لو چان النظم مغلوط
انه الذبيت فاله بخشم چم شبوط
وسهمي عيب يخطي وهدف ميصيبه
اجلبنك يليلي واصفگ ايد بأيد
افكر بالاحبه وهضم گلبي يزيد
لا ينلزم بيد ولا يطير بعيد
ولا ينعرف صدگه من اكاذيبه
لا تقفل قفل وتحسبه مامون
اذا ترهم عليه كومة مفاتيح
ولا تتبع اثر بخدود الرمال
اذا چانت مطر ومسودنه الريح
ولا تعاشر بشر وتورجه بسرار
اذا ماي الحياء بگصَّته شحيح
ولتعاتب نخل ماحمَّل عثوگ
خطية النخل برگاب الفلاليح
اذا مركب شله وحَب ايد الگياش
موصوچ النهر صوچ الملاليح
اذا شطك حطب وجروفه نيران
بعد تعتب عليمن علسوابيح؟
اذا جنحك شمع والشمس تتنخاك
موفشله لون ابابها اطيح
واذا كلك خشب وتصيحك النار
شحلاة الدم لون علموقف يسيح
العيد يجي بفرحة يوزع الناس
ونه حصتي التعب مثل المراجيح
من اصابعها يسيل الخير جروان
وتال البوه حصتها المراويح
ملح بعيونهن لا تغفه وتنام
لچن من تحترگ تغفه المصابيح
وعلى الماي العذب ماهادت بيوم
لچن حضن الوصل عيد التماسيح